Legenda Incurtzaduras | Legenda Sìmbulos

acreschiméntu , nm: acrescimentu, creschimenta Definitzione crèschere de númeru is personas, is animales Sinònimos e contràrios acreschimónia, créschida, creschina | ctr. mímina Ètimu srd. Tradutziones Frantzesu accroîssement, croissance Ingresu increase, growth Ispagnolu incremento, crecimiento Italianu accresciménto, créscita Tedescu Wachstum, Vermehrung.

acreschimónia, acreschimóniu , nf, nm: creschimónia Definitzione su crèschere, nau mescamente de númeru, de cantidade Sinònimos e contràrios acreschimentu, aumentu, créschida, creschina, crescia | ctr. mímina Ètimu srd. Tradutziones Frantzesu accroîssement, croissance Ingresu increase Ispagnolu incremento Italianu accresciménto Tedescu Vermehrung.

ammanniaméntu , nm Sinònimos e contràrios ammanniada Ètimu srd. Tradutziones Frantzesu accroissement Ingresu growth Ispagnolu acrecentamiento, crecimiento Italianu accresciménto Tedescu Vergrößerung.

auméntu , nm Definitzione su aumentare, su tanti chi at aumentau una cosa Sinònimos e contràrios acreschimentu, acreschimónia, aumentu, créschida, creschina | ctr. méngua, mímina Frases is operajos funt in tréulu ca bolent s'aumentu de sa paga ◊ comenti mi donant cuss'aumentu de pensioni mi còmpuru sa televisioni ◊ donzi tantu ghetant aumentos a sa binzina Tradutziones Frantzesu accroissement Ingresu increase Ispagnolu aumento, alza Italianu auménto Tedescu Vermehrung, Vergrößerung, Erhöhung.

creschína , nf: crescina, cressina Definitzione su crèschere, sa créschia, aumentu, su fàere andhandho e essindho de prus o prus mannu, sa parte créschia Sinònimos e contràrios acreschimentu, acreschimónia, créschida | ctr. irmíngua, mímina Frases at anzadu sa craba e sos pitzinnos, bidindhe sa creschina, sunt incantados ◊ apu a ascurtai crescinas de sinfonias e trinnimentus ◊ su dotori at biu custa crescina de petza e mi ndi dha bollit segai!◊ sa crescina de su pani est sa diferéntzia de pesu tra sa farra e su pani cotu 2. in làmpadas in bíngia s'ispitzat sa crescina tropu abbundanti Ètimu srd. Tradutziones Frantzesu accroissement Ingresu increase Ispagnolu incremento (m) Italianu increménto Tedescu Steigerung, Erhöhung.

«« Torra a chircare