Ditzionàriu in línia
de sa limba e de sa cultura sarda

afusàu , pps, agt Definizione de afusare; chi tenet unu fàere impressiu e timorosu, preocupau Sinonimi e contrari afaltadu 2. su dutore fit zovanedhu, essidu pagu tempus dae s'universidade, totu afusau ◊ birgonzosu, afusau che póveru pidore, s'istranzu mi at tochedhau sa zanna ◊ sa mente afusada si afrodhat in tristos fundhacos de fele ◊ duas pessones afusatas che ant cuatu cosa furata in d-unu craticale de chessa Traduzioni Francese cunfus, embarrassé Inglese confused Spagnolo confuso, molesto Italiano confuso, imbarazzato Tedesco verwirrt.

disfrasciàdu, disfrassàdu , agt Definizione agiummai coment'e chi unu no siat prus issu etotu po su chi sentit Sinonimi e contrari cummóviu, internéssiu Frasi l'ischit bene sa ch'istimo comente so disfrasciadu: no est sa morte sa chi timo! Traduzioni Francese étourdi, ému Inglese moved, astonished Spagnolo pasmado, conmovido Italiano sbalordito, commòsso Tedesco ergriffen, verwirrt.

imbusticàu , pps, agt Definizione de imbusticai; chi est betau apare de no si cumprèndhere, chi est difícile o malu a cumprèndhere o a fàere Sinonimi e contrari impirigau, introbicau | ctr. ciaru, fàcile, ladinu 2. ma chini ndi cumprendit nudha, chi est totu imbusticau! Traduzioni Francese barbant, embrouillé Inglese complicated, tedious Spagnolo enredado, complicado Italiano barbóso, ingarbugliato, complicato Tedesco verwirrt, verwickelt.

iscossiminzàdu , pps, agt: iscossumizadu, iscuscimignadu, scoscimingiau Definizione de iscossiminzare; chi est totu bogau de pare, nau mescamente de is peis o cambas de unu trastu, chi portat is partes illascadas a fortza de dh'impreare e fortzare Sinonimi e contrari ijoguladu, istracassau, istraessadu, scancarau, scarrabeciau, scarrugau / abbatussiadu Frasi a su moe moe a trazu, cussa mesa l'amus iscossiminzada ◊ no si est iscossiminzau meda, no, a devatu de bestiàmene! ◊ cust'armàdiu est totu iscossiminzadu e sos calassiedhos no bi rezent 2. cussu Diaulemmesu nos at iscussimintzatu totu s'ortu, furanne!◊ sa gianna est totu iscossumizada Traduzioni Francese disjoint Inglese disconnected Spagnolo descoyuntado, desvencijado Italiano dinoccolato, sconnèsso, scompaginato Tedesco schlaksig, lose, verwirrt.

ispampanàu , pps, agt Definizione de ispampanare; chi est apertu deunudotu o, nau de ccn. cun significau metafóricu, chi est coment'e incantau, atontau Sinonimi e contrari iserelau / cdh. ribudhulatu 2. Elias aiat antziau sos ocros ispampanaos (S.Spiggia) Traduzioni Francese égaré Inglese opened wide Spagnolo desorientado Italiano stralunato, disorientato Tedesco verdreht, verwirrt.

sciamballàu , agt Definizione sciambullau, treulau, sciumbullau Sinonimi e contrari bolluzadu Traduzioni Francese brouillé, bouleversé Inglese ruffled Spagnolo desarreglado Italiano scompigliato Tedesco verwirrt.

sciorodhàu , pps, agt Definizione de sciorodhai; chi no atuit prus, chi no est cumprendhendho prus nudha, chi portat sa mente cunfúndhia Sinonimi e contrari spraudiu Traduzioni Francese bouleversé Inglese upset Spagnolo trastornado Italiano sconvòlto Tedesco erschüttert, verwirrt.

sprixuràu, sprixuriàu , agt Definizione nau de ccn., essiu de bisura, cun sa cara coment'e chi apat tentu dannu; nau de colore, chi est biu biu, mancari tropu Sinonimi e contrari spreluxiu, stramesiu, stramoriau / spramau Frasi Giudas andàt e giràt sentza de tenni assentu e pariat própiu unu macu, a pius isciotus, sprixuriau e iscuntentu ◊ apu inténdiu una boxi sprixurada 2. cussa depit èssiri isciollochendisí e a bortas si achichiritat cun bistiris sprixuraus! Etimo srd. Traduzioni Francese bouleversé Inglese shocked Spagnolo descompuesto Italiano sconvòlto, stravòlto Tedesco erschüttert, verwirrt.