pudéschiu , pps, agt: pudéscidu, pudésciu (pu-dé-sci-u) pudéssiu Definizione de pudèschere; chi faet o lassat andhare fragu malu (ma fintzes nau po guastu, malàidu, o a disprétziu po cosa chi no praghet, no est bona) Sinonimi e contrari púdidu, putincu, putzosu / guastu / contomosu | ctr. fragadinu Modi di dire csn: ollu pudésciu = contomosu; buca pudéscia = chi li essit fragu malu; pudésciu a bentu = púdidu a tzutzu, de si leare su fragu malu de atesu 2. dh'apu arrósciu acoment'e sa petza pudéscia! ◊ est pudéssiu che mariane in iberru ◊ at trumbullau abbas de tropu tempus firmas e pudéschias ◊ seis pudéscius coment'e su cani mortu ◊ ohi, no arregordu nudha: portu sa conca puréscia! ◊ sa figu ocannu est totu puréscia 3. ses semper chin custu lampu de lussos pudéssios! Traduzioni Francese puant, fétide Inglese stinking Spagnolo hediondo, fétido Italiano puzzolènte, fètido Tedesco stinkig, übelriechend.

púdidu , agt: púdigu, púdiu, púriru, pútitu Definizione chi est pudeschendho, chi est faendho fragu légiu; nau de ómine o de fémina, chi funt malos, bagasseris Sinonimi e contrari pudéschiu Modi di dire csn: púdidu a tzutzu = pudésciu a bentu; cane p. = su dimóniu Frasi cussu pische est púdidu, guastu ◊ púdigas abbas màrghinant s'ammentu 2. cussu est unu púdidu, cussa una púdida ◊ bi che supriat zente meta carràndheche malàdios e trumentatos dae ispíritos pútitos Etimo ltn. putidus Traduzioni Francese puant, putride Inglese stinking Spagnolo hediondo Italiano puzzolènte, pùtrido Tedesco stinkig, faul.

putzinósu , agt, nm Definizione chi o chie faet crisu, ischifu, est brutu meda / su p. = su dimóniu Sinonimi e contrari ascamosu, pudidinosu Frasi putzinosu siat, isse solu! ◊ ses una petabúdida ischifosa, niedha e putzinosa! ◊ zughet sas manos putzinosas, fragu chi no est profumu! ◊ assumancu proite ti ses dendhe a bídere, pro chimbe francos putzinosos! ◊ putzinosu, no la toches cussa cosa bruta! Etimo srd. Traduzioni Francese dégoûtant, puant Inglese revolting Spagnolo asqueroso, repugnante Italiano schifóso, puzzolènte Tedesco ekelhaft, stinkig.

«« Cerca di nuovo