irmurtíre , vrb: ismultire, ismurtire Definizione pèrdere s'abba, nau pruschetotu de erbas e linnas (ma fintzes de casu nou, de arrescotu); fintzes coment'e prentzare, fàere pèrdere s'abba Sinonimi e contrari addormicare, sumortire Etimo srd. Traduzioni Francese dessécher Inglese to dry up Spagnolo marchitar Italiano smùngere Tedesco den ganzen Saft saugen aus.

suciài , vrb: sutzare Definizione suspire, imbucare sa cosa tirandhochedha cun s'ària, coment'e a surbidura a buca Sinonimi e contrari isciuciai / súere / aciupae, assuspiri Frasi cussos sunt animales chi creschent a fortza de sutzare sàmbene ◊ su criu si nche dormiat sutzandhe sa crapichera 2. cudhos ndhe ant de su póveru sutzadu su sàmbene caldu de sas venas suas (S.Paulesu) Etimo itl. Traduzioni Francese sucer Inglese to suck Spagnolo chupar Italiano succhiare Tedesco saugen.

súere , vrb: súghere, sui, súiri Definizione suciare su late de sa tita, comente faet su fedu piticu / pps. sutu, súghitu, ger. suendho, suendi, suendu, sughendhe, suindhe Sinonimi e contrari sulli Frasi candho su pipiu pranghet, sa mama dhi giàt sa tita o su suidore, deasi su pipiu s'istentat suendho ◊ candho su crapitu no sughiat deretu, su pastore che l'ispremiat late a buca ◊ su sirbonedhu aiat sutu e si fit abbrentadu ◊ s'ebba si firmat ca su pudhéricu depet súghere ◊ fit a criadura minore ancora suindhe ◊ sos porchedhos ant súghitu ◊ sa mamma de late fit cudha chi daiat a súghere a unu fizu anzenu Etimo ltn. sugere Traduzioni Francese téter Inglese to suck Spagnolo mamar Italiano poppare Tedesco saugen.

súghita , nf: suta 2 Definizione su súere, suciada o tirada de late a suidura Sinonimi e contrari sughinzu Etimo srd. Traduzioni Francese tétée Inglese suck Spagnolo mamada Italiano poppata Tedesco Saugen.

surbàre 1 , vrb Definizione pigare, ingòllere a suspidura, tirandho sa cosa aintru comente si tirat s'ària chi arrespiraus Sinonimi e contrari aciupae, assuspiri, imbibbiri, inciupai, sultzire, sulviare, surbire*, suspiare Traduzioni Francese gober Inglese to sip Spagnolo sorber Italiano sorbire Tedesco saugen.

surbíre, surbíri , vrb Definizione bufare, papare, ingòllere cosa a suspidura, comente si faet tirandho s'ària aintru Sinonimi e contrari aciupae, assuspiri, imbibbiri, inciupai, sultzire, sulviare, surbare 1, suspiare Frasi fuant papendu citius: s'intendiat isceti su sonu chi fadiat su babbu surbendu sa minestra ◊ surbidiche un'ou! Etimo ltn. sorbere Traduzioni Francese gober Inglese to sip Spagnolo sorber Italiano sorbire, aspirare Tedesco saugen, absaugen.

sutzadúra , nf: sutzatura Definizione su suciare Sinonimi e contrari suciamentu, tira 1 Frasi sa caramella no si màstigat, ca apítzigat a dentes: si faghet a sutzadura Etimo srd. Traduzioni Francese sucement Inglese sucking Spagnolo succión Italiano succhiaménto Tedesco Saugen.

«« Cerca di nuovo