cariadúra , nf Definizione su cariare (sa pasta, un'arremu); manera de pigare una cosa, o de fàere Sinonimi e contrari càriu, ciuexidura, ciueximentu, soigonzu, suetura / fricatzione Frasi síghila a cariare, custa pasta, ca li est paga sa cariadura chi li as fatu! Etimo srd. Traduzioni Francese pétrissage, écange, assemblage Inglese rippling Spagnolo amasadura, amasado Italiano gramolatura, massaggiatura Tedesco Kneten.

cariaméntu , nm Definizione su pigare a càriu, su cariare (sa pasta, un'arremu de sa carena) Sinonimi e contrari cariadolza, carionzu, ciueximentu, suetura / aprupudhamentu Etimo srd. Traduzioni Francese pétrissage, écangage Inglese cracking, massage Spagnolo amasadura, amasado Italiano gramolatura, massàggio Tedesco Kneten.

cariàre , vrb Definizione suíghere, trebballare a istrecadura sa farra impastada, sighendho cun fortza fintzes a candho sa pasta essit bella lisa e de totunu andhare; frigare, faendho pagu o meda fortza, cun sa pranta de is manos o cun sa matza de su pódhighe un'arremu o unu tretu de carena addoloriu, bogau, atrotigau o àteru (ma fintzes po gustu, a allisadura, a istringidura); foedhandho de cosas díligas, tocare a tropu, pistare (ma si narat fintzes cariare sa pedhe conciada) Sinonimi e contrari ciuexi, iscarasciare 1, soíghere / apalpedhare, aplopodhare, cariedhare, pistae, surrai Frasi passabat notes intregas inturtandhe, cariandhe e tendhendhe 2. penso no as a chèrrere cariadu pro sos isfortzos tuos! ◊ ndh'est rutu dae su carru e como lu sunt cariendhe pro che li torrare unu pè bogadu 3. càriat subra de palas su bàrriu pesosu…◊ sa zente fit totu cariendhe miséria, cussos annos de annada mala ◊ e s'iscoberint mudandha e camija, cària cària e tòcami toca! ◊ si ti cheres cariadu beni, za che tenzo unu bellu fuste!…◊ no ti càries sos ogros ca ti faghet peus a ratinzu: pònedi collíriu! Etimo srd. Traduzioni Francese pétrir Inglese to knead, to massage Spagnolo amasar, masajear Italiano gramolare la pasta, massaggiare Tedesco kneten.

cariónzu , nm Definizione su cariare, su suíghere, su ciuèxiri; su própriu movimentu fatu po frigare cun is manos unu tretu de sa carena malàida Sinonimi e contrari cariadura, cariamentu, càriu, iscarionzu, soigonzu, suetura / apodhicamentu Frasi bi ndhe cheret de carionzu pro fàghere unu cartu de trigu a pane de fresa, in duas solas!… Etimo srd. Traduzioni Francese pétrissage Inglese rippling, massage Spagnolo amasado, amasadura, masaje Italiano gramolatura, massaggiatura Tedesco Kneten, Massage.

ciuèxere, ciuèxi , vrb: ciuèxiri, suèxere Definizione trebballare a istrecadura cun fortza sa farra impastada fintzes a candho essit de totunu andhare, a unu cumossu chentza chi dhue abbarret farinedhu perunu e siat fintzes lisa / c. a unu = cariàrelu a corpos, mazare Sinonimi e contrari cariare, iscarasciare 1, soíghere Frasi si suexu sa pasta mi fatzu unu cocòi 2. chi mi benit a manus gei mi dhu ciuexu dèu! Etimo ltn. subjicere + subjectus Traduzioni Francese pétrir Inglese to knead Spagnolo amasar Italiano gramolare la pasta Tedesco kneten.

ciuexidúra , nf Definizione su trebballu a istrecadura chi si faet a sa farra impastada Sinonimi e contrari cariadura, carionzu, ciueximentu, soigonzu, spongiadura Etimo srd. Traduzioni Francese pétrissage Inglese kneading Spagnolo amasadura Italiano gramolatura della pasta Tedesco Kneten.

ciueximéntu , nm Definizione su trebballu chi si faet a sa farra impastada preparandhodha po fàere su pane Sinonimi e contrari cariadura, cariamentu, ciuexidura, soigonzu Etimo srd. Traduzioni Francese pétrissage Inglese kneading Spagnolo amasadura Italiano gramolatura della pasta Tedesco Kneten.

cumassài, cumassàre , vrb: acumassare, cummessai, cummossai, cumossai Definizione impastare sa farra cun su frammentu po fàere su pane, is tzípulas; ispartzire sa pasta impastada in cumossos de suíghere Sinonimi e contrari impastai, inturtare Frasi manus lestras sedatzant sa farra, dha cumossant, dha ciuexint, dh'ispòngiant e dha inforrant ◊ su civraxu est totu cummessau e ciuetu ◊ immoi, sa farra cumossada tocat a dha ciuexi 3. poita custa cronta chi una dí fiat pani no si lassat prus cumossai de sa manu? ◊ sa beridadi de sa vida est cummossada de gosu e de tristura Etimo ltn. cummassare Traduzioni Francese pétrir Inglese to knead Spagnolo amasar Italiano impastare, intrìdere la farina Tedesco kneten.

cumossadúra , nf Definizione su impastare Sinonimi e contrari impastadura Frasi sa cumossadura si fait in sa scivedha Etimo srd. Traduzioni Francese pétrissage Inglese kneading (of dough) Spagnolo amasadura Italiano impastatura Tedesco Kneten.

impastài, impastàre , vrb Definizione fàere s'impastu, nau mescamente de sa farra chi si ammesturat cun su frammentu e abba e si aprontat po fàere a pane, o de àteras cosas chi si ammesturant a morigadura cun abba (es. arena, cimentu, crachina, terra) Sinonimi e contrari cumassai, inturtare 2. cussos sunis bàrbaros impastados a fele Traduzioni Francese pétrir, mélanger Inglese to knead, to mix Spagnolo amasar Italiano impastare Tedesco kneten, anrühren.

impastónzu , nm Definizione su impastare Sinonimi e contrari impastadura, impastu Etimo srd. Traduzioni Francese pétrissage Inglese kneading Spagnolo amasadura Italiano impastatura Tedesco Kneten.

impàstu , nm Definizione su impastare; sa cosa impastada; arena o àteru deasi morigada a méschiu cun cimentu, crachina e abba po fraigare muru, o ischedrare, in trebballos de muradore Sinonimi e contrari impastonzu, inturtu / impastada Modi di dire csn: fàghere, morigare, ammodhigare s'i.; no dhue at i. (nau de genti) = no est bonu a nudha, est un'isentu chi no ischit a fàghere nudha; i. rassu, romasu = fatu cun tzimentu o carchina meda, cun pagu 2. po fàere is fundhales de custa domo is operajos ant fatu s'impastu a manu ◊ faidhu grassitedhu s'impastu: duus pajolus de arena e unu de ciumentu! ◊ cust'impastu si ch'est intostadu: annunghe abba! Etimo srd. Traduzioni Francese pétrissage, mélange, mortier Inglese mixing Spagnolo masa, argamasa Italiano impasto, malta Tedesco Kneten, Mörtel.

inturtàre , vrb Definizione impastare sa farra cun su frammentu e abba cun d-unu pagu de sale po fàere su pane; impastare css. cosa a murigadura cun abba; fàere sa pasta a turta / i. a lótriu = a modhe, cun prus abba (ctr. a tostu) Sinonimi e contrari cumassai, impastai Frasi a sa farina ghetàeli paca abba e inturtae a tostu! ◊ a Pasca inturtant binti duos chilos de casu friscu pro fàchere casadinas ◊ sa símula fit ammadricada e pesada pronta a inturtare 2. su manibale at inturtau s'arena chin sa carchina ◊ a mesudie inturtabat su ghilinzone a su poledhu Etimo srd. Traduzioni Francese pétrir Inglese to knead Spagnolo amasar Italiano impastare Tedesco kneten, anrühren.

soíghere , vrb: subíghere, suíchere, suíghere, suigi, suvíghere Definizione trebballare a istrecadura cun fortza sa farra impastada fintzes a candho essit de totunu andhare, a unu cumassu chentza chi dhue abbarret farinedhu perunu e siat fintzes lisa, pronta po dha segare a panes, o fintzes, una borta sueta, po dh'ammodhigare de prus intrandhodhi àtera abba segundhu ite pane si depet fàere (es. cogones ammodhigadas)/ pps. subetu, suetu, suitu; conca de soíghere = scifedha, tevania Sinonimi e contrari cariare, ciuexi, iscarasciare 1 Frasi sa cochidora at subetu sa pasta ◊ prepàradi a fàghere farina e a suíghere! ◊ sas giòvanas fint tessendhe o suighendhe su pane ◊ tia Ainza andhaiat a suíghere sa cota ◊ candho sa pasta che fit suita la maniestaint in cantzos uguales e tundhos Etimo ltn. subigere Traduzioni Francese pétrir Inglese to knead Spagnolo amasar Italiano gramolare la pasta Tedesco kneten.

«« Cerca di nuovo