acumàssu , nm: acummassu, cumassa Definizione s'impastu de sa farra in su tianu, faendho su pane, cumossu; muntone de cosa (fintzes guasta, pistada) 2. ancu si falet a un'acumassu! Etimo srd. Traduzioni Francese amas Inglese heap Spagnolo masa, montón Italiano ammasso Tedesco Brotteig, Haufen.

aggodhetàre , vrb Definizione arregòllere o fàere sa godheta: dhu’est s'idea de dha batire (sa cosa, sa gente)/ aggodhetare zente, bestiàmine = circai e portai genti po calincuna necessidadi apretosa, assodhiri su bestiàmini ispainau Sinonimi e contrari aggodhetonare, ammuntonae, aunire | ctr. iscolletare 2. si sunt aggodhetaos Etimo srd. Traduzioni Francese entasser Inglese to heap Spagnolo amontonar Italiano ammucchiare Tedesco haufen.

muntòne, muntòni , nm: mutoni Definizione massa de vàrias cosas o fintzes cantidade de una matessi cosa posta totu impare, coment'e a fàere a cúcuru, a bisura de monte, betada una apitzu de s'àtera; dhu narant fintzes in su sensu de meda, cantidade manna Sinonimi e contrari barone 1, partoxu, remealzu / barrigada, meda Modi di dire csn: rúere a unu muntone, a cúcuru muntone = a una fasche, totugantos paris; falare a unu muntone = rúere de mala manera, a istràmpidu, de no si pòdere abbàlere Frasi muntone de pedra, de trigu, de palla, de foza, de linna, de carramatzinas, de àliga ◊ mi at contadu unu muntone de cosas ◊ bi aiat unu muntone de zente ◊ parit unu procu in muntoni de fà ◊ collide s'olia e ponide a muntone! ◊ fai unu mutonedhu de braxa anati de su forru!◊ pòbora ispiga, a ita ses torrada: oi donant su trigu a mutonis a is procus, crupa de is leis de sa CEE! 2. petzi mi che sapo in terra a unu muntone, irdaossadu che cuba betza ◊ ponzant frenu a sos chi sunt distruindhe su logu, prima de mòrrere a cúcuru muntone! Cognomi e Proverbi smb: Muntone, Muntoni Etimo itl. montone Traduzioni Francese tas Inglese heap, pile Spagnolo montón, pila Italiano mùcchio, cùmulo Tedesco Haufen.

píra 1 , nf, nm: piru 2 Definizione css. cosa posta subràbari a tantos pigios, cabidhada, una in pitzu de s'àtera Sinonimi e contrari muntone, pilada, pipira Frasi una pira, o unu piru, de pane ◊ sos isportinos si poniant a pira, a supressare ◊ un’àtera pessone carfit su pane cotu chin d-unu gortedhu e lu collit a piras ◊ sunt totu a pira che truncos tortos, unu subra de s'àteru ◊ sos annos su bestiàmene fit morinne a piras Traduzioni Francese pile, tas Inglese heap Spagnolo pila, rimero Italiano catasta Tedesco Haufen, Stapel.

remeàlzu , nm: remiarzu, remiazu, reminarzu, rimiàgliu, rimialzu Definizione muntone de trigu seidau, ma oe prus che àteru muntone de cosas bastat chi siat, fintzes àliga; logu inue si ammuntonat cosa chentza órdine; giuale de bíngia, órdine de bide, filera de matas po fàere aprigu Sinonimi e contrari muntone, partoxu / linnàgliu / giuali, órdine Frasi de custas cosas ndhe tenzo unu remiarzu 2. custu logu est unu remiarzu de bruine ◊ za b'est su remiarzu de s'arga in cussu cuzone!… Cognomi e Proverbi prb: bàrriu minore, remiarzu mannu Etimo srd. Traduzioni Francese tas, débarras Inglese pile, receptable Spagnolo montón, pila Italiano mùcchio, catasta, ricettàcolo Tedesco Haufen, Menge.

rumbullòni, rumbulòni , nm: arrumbuloni* Definizione cosa imbodhigada tundha, cosa fata a lómboru Sinonimi e contrari gromeredhu, grómeru, lómberu, lombiscedhu, lórimu Modi di dire csn: fai, faisí a r. = a ballina, a lórumu; r. de bremis, de abis = murútulu, muntone de bermes, de sorde, de abe Frasi is abis foras de su casidhu si funt fatas a rumbulloni Traduzioni Francese balle, masse arrondie Inglese ball, roundish mass Spagnolo bola Italiano palla, ammasso rotondeggiante Tedesco kugelförmiger Haufen.

«« Cerca di nuovo