ifúndhere , vrb: ifúnnere, ilfúndhere, infúndere, infúndhere, infundi, infúndiri Definizione isciúndhere, pònnere in s’abba (o àtera cosa deasi), ispergiare o betare apitzu abba o cosas deasi (bastat chi siant modhes – es. fintzes oro o àteru metallu iscagiau –, o fintzes a pruine, faendho sa cosa de ‘ifúndhere’ a imbuscinadura); provare calecuna cosa, mescamente cosas chi dolent, chi costant, dificurtades / pps. ifustu Sinonimi e contrari abbagnare, bagnai, inciundi, insúndhere, isfúndhere | ctr. asciutai, frobbire Modi di dire csn: fàghere a mossu infundhe = isciundi s'arroghedhu de su pani in sa cosa de papai e papai, fàghere ifundhindhe e manighendhe; ifúndhere su pódhighe in calecuna chistione = connòschere, proare, isperimentare una dificurtade Frasi su pane de fresa si podet ifúndhere o manigare àrridu ◊ candho proet ifundhet su logu ◊ in tempus de calura andhat bene a s'ifúndhere pro s'ifriscare ◊ cun cuss'abba mi fia ilfustu ◊ in su giumpatógliu si potet colare chene nos ifúnnere ◊ ti dao s'arracada de prata ifusta in oro 2. tue faedhas gai ca in custas cosas no bi as mai ifustu su pódhighe! 3. apo manigadu pane a mossu infundhe in sa bagna ◊ s'ifundhet su biscotu in su gafè, in su late, fintzas su pane russu in su binu Cognomi e Proverbi prb: daghi proet a totu infundhet Etimo ltn. infundere Traduzioni Francese mouiller Inglese to wet, to dip Spagnolo mojar Italiano bagnare, irrorare, intìngere, inùngere Tedesco eintauchen, bespritzen, benetzen, eintauchen.

insolfatàre , vrb Definizione meighinare sa bide a solfatu Sinonimi e contrari surfatai Traduzioni Francese sulfater le vignes Inglese to copper Spagnolo aplicar el cobre Italiano ramare Tedesco bespritzen mit Kupfervitriol.

sbrufulài , vrb Definizione est su chi faet s'abba budhindho a meda, chi ndhe brínchidat a fora de sa padedha; iscoviare, nàrrere in giru cosas chi no si depent Sinonimi e contrari abbrubudhai, bessai, frofoai, ischigliare, ischiglionare, sbrufare, strichidhai / lendhare, scordulai, scoviai 2. issu sbrúfulat cantu intendit Etimo srd. Traduzioni Francese gicler Inglese to spatter (be) Spagnolo salirse un líquido al hervir Italiano schizzare Tedesco bespritzen.

strichidhài , vrb: istrinchidhare*, stridhicai, stridhincai, strinchidhai Definizione brillare, iscúdere, fèrrere atesu sa cosa a istídhigos o modhe modhe, isciúndhere cun istídhigos de cosa chi brínchidat (es. fintzes comente faet s'ispumante o àtera cosa gasada) Sinonimi e contrari abbrubudhai, botiare, frofroai, ischirtzare, santziare, sbrufulai, tzampulicare Frasi strichidha àcua santa, debressi! ◊ no bollu a mi strichidhai cuss'àcua! ◊ dh'at totu stridhicau de carcina ◊ po fai sa frégua si stridhicat àcua frida apitzus de sa símbua ◊ cun totu cussu ludu dha strichidhant 2. dha biu essendi de mari strichidhada e currendi a s'istrumpai in s'arena Traduzioni Francese gicler, éclabousser Inglese to splash Spagnolo salpicar Italiano schizzare, inzaccherare Tedesco bespritzen, beschmutzen.

tzaviài, tzaviàre , vrb: aciaviai Definizione betare o fàere tzàvius, orrosinas, betare istídhigos, abbighedha fine Sinonimi e contrari arrosinai, arrusciai, cibinare, istedhiare, modhinare, papuschiare, paspiare, proighinai, spripidhai, tziviai Frasi tzàviat s'abba in su pamentu pro pòdere mundhare bene sa domo Etimo srd. Traduzioni Francese asperger, pleuviner Inglese to sprinkle, to drizzle Spagnolo rociar, lloviznar Italiano spruzzare, piovigginare Tedesco bespritzen, nieseln.

«« Cerca di nuovo