cambiàle , nf: cammiale Definizione genia de cuntratu o de óbbrigu, a pagare una suma a una data fissa, chi su depidore ponet in manos de su chi dha depet arrecire o de unu chi si ndhe podet pagare (es. banca) Frasi ant comporadu sa cosa totu a cambiales ◊ candho benint sas cambiales est a pagare! ◊ issu est ancora paghendi su dépidu a cambialis Traduzioni Francese lettre de change Inglese draft Spagnolo letra de cambio Italiano cambiale Tedesco Wechsel.

càmbiu , nm, agt: càmmiu, ciambu, giambu Definizione su cambiare; cosa o fatu a su postu de un'àteru, un'àteru; su bestimentu límpiu, àteru bestimentu diferente; in is màchinas, genia de leva po cambiare andhadura Sinonimi e contrari càmbia, cuncàmbia, iscàmbiu, muda, tràmmudu / àteru, diferente, nou / lintepintu Modi di dire csn: dare, giare, donai una cosa in càmbiu, a càmbia = in parte de un'àtera; triballare a zoronadas càmbias, a agiudu càmbiu, a ómine càmbiu = triballare a presta càmbiu, a càmbios, agiudu torrau, fàghere a càmbiu torradu, a manu càmbia; torrare su càmbiu a unu = torrai su pratu, donai su pratu torrau, torrai s'agiudu; dare su càmbiu a unu = pònneresi o andhare a su postu de un'àteru faghindhe una cosa; dinari in càmbiu = in minudos; in ciambu = antzis, a su contràriu (ma fintzas a càmbiu apare cun àteru); èssere càmbiu, su càmbiu de unu = assimbillai a unu, èssiri precisu coment'e cussu, lintepintu cussu; in ciambu meu, tuo, suo, e gai = a su postu meu, tou, sou, in parte mia, tua, sua Frasi custa chida tocat a mie a dare su càmbiu a su cumpanzu, in sa robba ◊ li at nadu si faghiat ciambos: isse de li dare s'alveghe, e cudhu li daiat sos canes 2. mighi ti apo postu su càmbiu subra de su letu, si ti che bogas sa cosa bruta! ◊ su bistimentu de is erricos s'ischeràt ca teniant prus càmbios: is pòberos teniant solu unu càmbiu 3. su dutore mi at ordinadu meighinas càmbias ◊ no mancaiant de lis batire calchi imbiada, chi sempre beniat torrada càmbia ◊ custu fógliu ti lu fato càmbiu ca est totu abbunzadu ◊ dademindhe càmbias, de cartzitas, ca custas mi sunt minores!◊ sa pinna mi l'apo comporada ciamba 4. mama mia puru mancai prangi prangi iat giau s’anedhu bellu de candu si fiat isposada, e in càmbiu dh’iant donau un’anedhu de atzarxu 5. cun frade meu faghimus su triballu a càmbiu torradu ◊ amus tzapadu sa binza a zoronadas càmbias cun Fulanu: innantis amus fatu sa mia e apustis sa sua 6. cheria dinari in càmbiu pro no bogare sos chentumiza, si cumbinat ◊ dhis est iscarésciu unu portafolliedhu prenu de dinai in càmbiu, de s'allimúsina, iscedaus! 7. sa fiza est càmbia de mamma ◊ millu su càmbiu de Pinóchio! Cognomi e Proverbi smb: Cambiu Etimo srd. Traduzioni Francese échange Inglese change, spare-part Spagnolo cambio, cambio Italiano càmbio, ricàmbio, muta Tedesco Wechsel, Wechseln, Häutung.

intreveradúra , nf Definizione su intreverare, su pònnere o fàere candho unu candho un'àteru, a borta a borta Traduzioni Francese alternance Inglese alternation Spagnolo intercalación Italiano alternanza Tedesco Wechsel.

mudàda , nf Definizione su mudare Sinonimi e contrari cambiada, cambiamentu, mudadura, mudansa Frasi arratza de mudada chi at fatu, totinduna! Etimo srd. Traduzioni Francese changement Inglese change Spagnolo mutación Italiano mutaménto Tedesco Veränderung, Änderung, Wechsel.

tramudónzu , nm: tramunonzu Definizione su tramudare Sinonimi e contrari cambiamentu, istramúxulu, tramuda Frasi isse viet sa morte coment'e unu tramudonzu, unu ghironzu a bidha ◊ sas arvuritas si bogant dai su sulcu cun d-una chérvia manna de terra arrampiada a sas raighinas pro no lis nòghere su tramunonzu Etimo srd. Traduzioni Francese changement Inglese change Spagnolo mutación Italiano mutaménto, cambiaménto, mutazióne Tedesco Veränderung, Wechsel.

«« Cerca di nuovo