brúglia , nf: brulla, búrula Definizione cosa chi si narat o chi si faet a ccn. po erríere, a giogu; cosa nada chentza èssere, ma po cullonare, a giogu / min. brulleta, brullita, brullighedha Sinonimi e contrari badalocu, bischíglia, búglia, ciacota, ciasca, cistu, coglionella, tzigota / cdh. búrrula Modi di dire csn: brulla bíschida = grai, chi ofendit puru; poderai, agguantare sa b. = lassàresi fàghere sa brulla chentza si ofèndhere; leare a unu a brullas = a manera de dhu ingioghitai, de dhu fai a arriri; leare una cosa a b. = chentza bi crere, chentza li dare importu; intrai in b. = istare a sas brullas, baliare sas brullas e fàgherendhe puru; nàrrere sa veridade in brulla = brullare ma nendhe sa veridade etotu a manera chi s'àteru no si ofendhat; fàghere cosa a brulla = brullendhe, cherindhe brullare (ctr. abberu) Frasi issa puru ciai est tropu chíschina, no poderat mancu una brulla! ◊ arratza de brulla chi l'at zogadu, su sonnu!…◊ cun sas brullas tuas mi ch'est colada s'ora! ◊ bae chi no est abberu, cussu, ti l'ant nadu a brulla! ◊ chini non bàliat brulla no intrit in giogu! 2. no ti la les a brulla ca est cosa grave! ◊ brullighedha, gai, chi l'ant fatu…, azummai l'aiant mortu! ◊ brulla lu cres, tue, su dannu chi ant fatu!…◊ una brulla ti fatzu e un'ogu ti ndi bogu Traduzioni Francese plaisanterie Inglese joke Spagnolo broma Italiano schérzo Tedesco Spaß.

diveltèra , nf: divertera Sinonimi e contrari arrecreu, desogu, dirvagu, diveltimentu, irbelegu Frasi istaiant ciasconendhe de s'unu e de s'àteru e de sas diverteras de carrasegare ◊ pro su tusorzu si fateit una grandhe divertera ◊ sa diveltera fit manna meda e nos naraiant "pitzinnos puzones" Etimo srd. Traduzioni Francese amusement Inglese fun Spagnolo entretenimiento Italiano divertiménto Tedesco Vergnügen, Spaß.

diveltiméntu , nm: divertimentu Definizione totu su chi si faet passandho ora cun alligria, chentza pentzamentos foras de trebballu Sinonimi e contrari arrecreu, desogu, dirvagu, diveltera, giogu, irbelegu, ispàssiu, ispidientu | ctr. pelea, ifadu, traballu Frasi chi siant a contu de centus custus divertimentus! Traduzioni Francese amusement Inglese amusement Spagnolo entretenimiento Italiano divertiménto Tedesco Vergnügen, Spaß.

ispàssiu , nm: ispassu, spàssiu Definizione cosa chi si faet a giogu, po divertire, istare alligros; fintzes camminada chi si faet deasi, tanti po pònnere passos, pigare ària / is ispassos = a logos, sa Viacrucis Sinonimi e contrari arrecreu, desogu, dirvagu, diveltimentu, gradazu, ibéliu, irbelegu / giogu, ispidientu / ispassizada Frasi cada sero fit un'ispàssiu: nabamus contos de trabballos e de zente ◊ ite ispassu, ite risu e ite giogu! ◊ subra su palcu cun su risu in laras fit de totu sos pópulos s'ispassu (Mura) 2. sos mastros che ant bogadu sos pisedhos de iscola a ispassu Cognomi e Proverbi prb: ispassu de giannile diàulu de foghile Etimo itl. Traduzioni Francese divertissement Inglese amusement Spagnolo distracción (f), diversión (f) Italiano spasso, divertiménto Tedesco Spaß.

«« Cerca di nuovo