sirrichiài , vrb: tichirriare, tzichirriai* Definizione fàere tzinchírrios, sonu de cosa chi girat arrasigandho, de ingranàgiu chi no est untu o àteru deasi Sinonimi e contrari afruschiare, scochidai, tirriare 1, tzacarrai Traduzioni Francese grincer Inglese to creak Spagnolo chirriar Italiano cigolare Tedesco knarren.

tírriu , nm: cérriu, tzérriu* Definizione boghe arta, forte, coment'e brigandho, tzerriandho (ma fintzes boghes de animales); sonu malu de cosas chi girant e frigant apare Sinonimi e contrari tichírriu, tirju Frasi tírriu de tonca, de istria, de gatos ◊ nues de corroncas sunt pitulandhe tírrios assustados ◊ intenno su tírriu de s'ape volanne Traduzioni Francese grincement Inglese creaking Spagnolo chirrido Italiano cigolìo, stridóre Tedesco Knarren, Kreischen.

trachedhàre , vrb: atrachedhare, traghedhare, trochedhare Definizione matzigare cosa àrrida, a tzàcurru; fàere sa moida de su nie candho si càtzigat passandho in pitzu o si movet, su fogu abbruxandho sida frisca, o chi si faet isparandho, tronandho, coment'e segandho cosa àrrida (chi tracat)/ traghedhare fogu = isparai, apuntai fogu Sinonimi e contrari atracare 1, istochidare, sacai, trachidare, strechedhai, tzacarrai, tzacazare, tzocai / abbruxai, isparai Frasi fit totu addolimadu in sa carena, trachedhendhe che carruledhu de canna ◊ su porcu s'intendhet traghedhendhe fae sica ◊ papandhe si trachedhat su pane carasau àrridu ◊ isse vienne vinu e geo trochedhanne caramellas 2. traghèdhali fogu a su ruo! ◊ li ant traghedhadu una fusilada, a su grodhe ◊ nechidau che berre, picat su fusile e trachedhat focu! Etimo srd. Traduzioni Francese crépiter Inglese to crack Spagnolo crepitar, chascar, crujir Italiano crepitare, scricchiolare, crocchiare Tedesco knistern, knarren.

tzichirriài , vrb: cirrichiai, sirrichiai, tichirriare, tzichirriare, tzinchirriare, tzirrichiai Definizione su sonare chi faet su linnàmene candho est isfortzau, is armas o ferramentas frigadas apare, is aperturas chi no girant bene in is grofales; nau de gente, chesciare / tzichirriai is barras = arrodar'e dentes, tzacurrare is dentes Sinonimi e contrari abbochinare, tirriare 1, tzacarrai, tzacazare Frasi is dentis mi tzichírriant in buca cument'e unu istrociarrana ◊ ant a prangi tzichirriendu is dentis ◊ in cussu logu dogna porta tzirríchiat, dognunu fumat, dognunu tzérriat… Cognomi e Proverbi prb: sa peus roda de su carru tzichírriat Etimo srd. Traduzioni Francese grincer Inglese to creak Spagnolo chirriar Italiano cigolare Tedesco knarren.

tzichírriu , nm: insichírriu, tichírriu, tzinchírriu, tzirríchiu Definizione genia de sonu de linnàmene faendho isfortzu, de cosas de ferru, de ossu (is dentes), de cosa chi si movet a fortza (es. apertura, in is grofales); fintzes tzérriu forte de animale e de gente a lamentu Sinonimi e contrari cérriu, ischéliu, tírriu, tzancurru Frasi su tzichírriu de cussa nai chi sàntziat mi narat ca seus in atóngiu ◊ camminat totu a tzinchírrios cun is botinos de cromo noos! Etimo srd. Traduzioni Francese grincement Inglese creaking, chirping Spagnolo chirrido Italiano cigolìo, stridìo, stridóre Tedesco Knarren, Kreischen.

«« Cerca di nuovo