borrighínu , nm: burrighinu Definizione boghe, tzérriu de pegus de bulu, ma fintzes tzérriu mannu de gente Sinonimi e contrari borrada, borrógliu, corrighinu, múghilu, muilada Frasi passendhe lassaias, furone, burrighinos de fiados semados 2. ndhe at essidu unu bulione a borrighinos dae s'inferru ◊ Antonandria no ti les chimera, ca ti fato betare borrighinu chi si che intendhet in sa miniera! (Còntene)◊ cust'ómine at comintzau a prànghede a borrighinos Etimo srd. Traduzioni Francese mugissement Inglese bellowing Spagnolo mugido Italiano muggito Tedesco Muhen, Gebrüll.

ischélia , nf, nm: ischéliu, ischíliu, ischílliu, ischiu, schéulu Definizione boghe, tzérriu pibidosu de animale (mescamente crabolos), ma fintzes de gente (prus che àteru, de pipiu); moida, s'istribitzu chi faet su bestiàmene camminandho; sonajolu a súlidu, fatu de canna o bide isperrada a grughe in su nodu: faet sa boghe de su crabolu (= bètu) Sinonimi e contrari barróinu, frúschiu, frusitu, frúsiu, gronita, irghéliu, muizu, píliu, súlbiu, sulitu, tichírriu, zúmiu / scramiabbetu Modi di dire csn: betare un'i.; catza a ischéliu = sa chi si faghet sonendhe s'ischéliu pro fàghere essire sos crabolos Frasi su pipiu est a ischius ◊ su càntigu ch'essiat che un'ischílliu! ◊ est a ischílius su lèpuri cassau ◊ s'intendit s'ischíliu de is varzias ◊ s'intennet solu un'ischéliu de prantu ◊ si lis presenteit unu becu mannu a ischélios chi ndhe pesaiant sa pedhe in palas 2. s'ischéliu de sas bamas paschindhe 3. mi apronto s'archibbusu e comintzo s'ischéliu a sonare Terminologia scientifica bga Etimo srd. Traduzioni Francese bramement, brame Inglese troat Spagnolo bramido Italiano bramito, bràmito Tedesco Gebrüll.

«« Cerca di nuovo