càscara , nf Definizione mancamentu, mancàntzia de papare, su cascare Sinonimi e contrari acanénciu, bendhita, cadéliu, catanzu Modi di dire csn: fàghere càscara = èssiri morendi de fàmini; dí de c. = de zeunu, chentza manigare; càscara de nie = nue de nie Etimo srd. Traduzioni Francese inanition Inglese starvation Spagnolo inanición Italiano inèdia Tedesco Fasten.

deinàre 1 , vrb: dejunare, deunare, deunzare, diunare Definizione istare chentza papare, fàere a mancu de papare Sinonimi e contrari geunare*, irgeunzare | ctr. mandhicare, papae Frasi no apo deunadu in pitzinnia e dias chèrrere chi deune a betzu? ◊ at postu sos cocois a deinare ◊ nàrali puru chi como deunzet e no t'importet mancari murrunzet! ◊ si deinat in tempus de carésima ◊ cudhu fariseu nachi deinaiat duas bortas a sa chida Traduzioni Francese jeûner Inglese to fast Spagnolo ayunar Italiano digiunare Tedesco fasten.

dejúnu , nm, agt: deunu, deunzu, digiunu, dijunzu, diugnu, diunu, diunzu Definizione su istare chentza papare; chi est chentza papare, chi no at papau / segare su deunzu = papai innantis de acabbai su tempus de su giaunu; èssere a sa deuna = chentza manigare, sentza de ai papau nudha de diora; faci de digiunu = isfaciu, légiu, mortu de fàmini (nau a menisprésiu) Sinonimi e contrari deinu 1, giaugnu, irgeunzu / geunu*, giaúngiu, irgeunzu, irgiaúngiu | ctr. satzau Frasi est faghindhe su deunzu ◊ in chida santa fit sempre faghindhe peneténscia e in deunzu 2. candho pesat sa boghe a sa deuna, no si devet permítere su paone, mancu brullendhe, a si pònnere afaca! ◊ custu binu lu podes bufare finas a sa diuna Traduzioni Francese jeûne, à jeûn Inglese fasting Spagnolo ayuno, en ayunas Italiano digiuno Tedesco Fasten (Pl.), nüchtern.

geunàre , vrb: ageunare, giaunai, giaunare, giaunari, giunai, zaunare Definizione abbarrare o istare chentza papare Sinonimi e contrari deinare 1, irgeunzare | ctr. ilgiunare, manicare, papae Frasi medas bortas giaunàt, candu no agatàt nemus de dhi donai unu strónciu de pani ◊ dónnia cenarba depes giaunare po su Cristu, morte e passione Etimo ltn. jejunare Traduzioni Francese jeûner Inglese to fast Spagnolo ayunar Italiano digiunare Tedesco fasten.

geúnu , agt, nm: ceunu, giaunu, giunu, zeunu Definizione chi no at papau, chi est chentza papare; su abbarrare chentza papare, a istògomo buidu / musca giauna = (in suspu) fiadu, cristianu ifadosu meda Sinonimi e contrari augiunu, dejunu, gigunu / gigunzu, irgeunzu | ctr. irmurzadu, pràndhidu, chenadu, satzau Frasi bi faghes mala figura che berveghe tenta a ruos, chi finit a sos concluos totu imbrutada e geuna! (G.A.Cossu)◊ issu geunu benit e geunu si che andhat Etimo lat. jejunus Traduzioni Francese jeûne Inglese fast (ing) Spagnolo ayuno Italiano digiuno Tedesco nüchtern, Fasten.

giaúgnu , nm, agt: geunzu*, giaúngiu, giúngiu (gi-ún-giu) giunzu (gi-ún-zu) zaunzu Definizione su istare chentza papare; nau de ccn., chi est chentza papare Sinonimi e contrari dejunu Modi di dire csn: segai su g. = manigare o bufare carchi pagu de alimentu, a tales chi su zeunu, fintzas pro pagu o in carchi manera, resurtat tasidu; guardai su g. = fàghere su zeunu Frasi ómines e féminas in barantinu faghiant su zaunzu ◊ fae ónnia cenarba su giaugnu a pane e abba ◊ depis comunigai e guardai is giaúngius ◊ candu nc'est su giúngiu no nc'est bisóngiu de ingaúngiu! 2. toca, pigadi unu bucone: no podes abbarrare giaúngia po tanti tempus! Traduzioni Francese jeûne Inglese fasting Spagnolo ayuno Italiano digiuno Tedesco Fasten.

«« Cerca di nuovo