afócu , nm: afogu Definizione su afogare, su pàrrere allupandho; ària budhia e úmida, fintzes de logu serrau ue dhue at gente meda, chi no faet a respirare, chi segat s'àlidu, chi paret de si allupare; fintzes dificurtade manna Sinonimi e contrari acalamamentu, acamu, afandha, allupamentu, allupori, arragu, assúpidu, rebbatu 2. ite afogu chi che at in custu logu serradu prenu de zente! ◊ ndh'ingurtint de afocu, cochendhe sa carchina!… 3. candho unu si agatat in grandhe afogu menzus chi pedat azudu!◊ cantas bortas mi paro in afocos de s'ànima!… Etimo srd Traduzioni Francese étouffement Inglese choking Spagnolo ahogo Italiano soffocaménto Tedesco Ersticken, Erstickung

allupàe , vrb: allupai, allupare, allupiai Definizione segare s'àlidu, su no pòdere o no fàere torrare àlidu tupandho su gúturu, mancare o fàere mancare s'ària e po cussu etotu s'ossígenu chi si respirat Sinonimi e contrari afocare, ataogare, atuligare Frasi si est allupau in s'àcua ◊ passendi ingunis mi tocat de aguantai súliru, po no mi allupai de fragu de bassa ◊ agiudamí ca mi seu allupiendi! ◊ mi seu allupendi de su sidi, de su fàmini ◊ bufa àcua, ca ti allupas! Traduzioni Francese étouffer, se noyer, asphyxier Inglese to suffocate, to drown Spagnolo sofocar Italiano soffocare, affogare, asfissiare Tedesco ersticken.

asfissiàre , vrb Definizione mòrrere o bochíere po mancamentu de ossígenu, de ària bona Sinonimi e contrari afocare, allupae, iscissiai Etimo iys Traduzioni Francese asphyxier Inglese to asphyxiate Spagnolo asfixiar Italiano asfissiare Tedesco ersticken.

ataogàre , vrb: atogare, atzogare Definizione segare s'àlidu, no torrare àlidu po cosa chi istringhet o tupat o arreschet in su gúturu, istrínghere in su gúturu, fàere mancare s'ària, s'ossígenu; fàere mòrrere, pònnere s’atzavoga, sa puligada; atzogare est fintzes assogare, cassare a irfogu cun sa soga Sinonimi e contrari afocare, aggangae, aggangulitare, aggangusare, allupae, apuligare Frasi si faghes mossu mannu ti atogas ◊ candho atogat s'iscudet a punzu pro no li arrèschere su mossu in bula ◊ sa pira cherfa atogat sa bula ◊ atogamus in s'àera luada de fumu ◊ in bula si mi atogat su faedhu ◊ dh'iant abbrancau e fatu mòrrede atzogau 2. atogant dogn'idea ancora in fedu ◊ atogare sos fastizos ◊ mai prus in bula su faedhu si atoghet, paràula sarda pro sa sarda idea! (Z.A.Cappai)◊ e l'ant ataogada cudha brama chi de sa paghe fit sana promissa (Zr.Piga) Traduzioni Francese étouffer Inglese to choke Spagnolo ahogar Italiano soffocare Tedesco ersticken.

«« Cerca di nuovo