istérria , nf: istérrida, istérrita, stérrida Definizione su istèrrere; cosa istérria, logu paris o a dónnia modu tretu mannu ocupau cun calecuna cosa o de pòdere cunsiderare de longària e largària; in su càntigu a tenore, su cuménciu a boghe sola, segundhu sa pesada (mutos, mutetus) is versos de su cuménciu (duos, tres o fintzes bàtoro, naos cambas o peis); sa cosa (frutuàriu, laore, o àteru) posta o betada isprata de pigare logu meda; fintzes unu chistionu chi si cumènciat, una chistione chi benit presentada / istérrita de ocru = a cantu afiet ogru, fintzas a ue imbatit sa vista Sinonimi e contrari isterrementu, isterrina / amprura Frasi a s'olia ammuntonada li cheret dadu un'istérrida pro no si lanire ◊ su monte est prenu de funnos de suégliu a istérrita de ocru 2. su fogu fuidu zughet istérrida manna ◊ sa bérgula no la sigo a istèrrere, bastat s'istérrida chi zughet ◊ amus agatadu sa pira a istérrida, suta de s'àrbure ◊ s'olia in terra bi est a istérrida ◊ sont terrinos chi parent postos a istérrita che in sa pranta de sa manu ◊ medas terras de Sa Nurra fint totu un'istérrida de pramma ◊ at atzapatu un'istérrita de feruledha casari 3. medas cantones de como sunt chena rima, chena istérrida e ne torrada ◊ su chi no apo nau in cust'istérria l'at a bíere chie at a lèghere Etimo srd. Traduzioni Francese étendue, introduction, préambule Inglese stretch, introduction, preamble Spagnolo tendido, extensión, introducción, preámbulo Italiano stésa, estensióne, distésa, introduzióne, preàmbolo Tedesco Ausgebreitete, Ausdehnung, Einführung, Präambel.

presentàda , nf: apresentada, presentata Definizione su presentare, batire o pònnere ananti, o andhare a denanti de ccn. a bíere, connòschere o àteru; su foedhare o iscríere de calecuna cosa o de ccn. a un'àteru po si dhu giare a connòschere / sa prima p. (foedhandho de cojuaos noos) = acabbamentu de coja, sa festa chi si faet candho si acrarit e po acrarire sa cójua Sinonimi e contrari aparéssida, cumpàrfida, vajoni Frasi a su libbru tuu dh'ant fatu una bella presentada ◊ totinduna, petzi at fatu sa presentada custu: ne apeutu e ne boghe, mi so fintzas assuconadu 2. Sulis pubblicheit sas poesias de Mereu iscriendhe isse etotu sa presentada Etimo srd. Traduzioni Francese présentation, apparition, introduction Inglese presentation, introduction Spagnolo presentación, introducción, prefacio Italiano presentazióne, apparizióne, introduzióne, prefazióne Tedesco Vorstellung, Vorführung, Erscheinen, Einführung, Vorwort.

sterrína , nf: isterrina* Definizione sa primu parte, su cuménciu, s'istérria de una cantzone, de una chistione, de un'argumentu Sinonimi e contrari istérria, isterrimentu | ctr. coberina, cobertantza, torrada Frasi is peis de sa torrada de is mutetus depint torrai cun is peis de sa sterrina Traduzioni Francese introduction Inglese introduction Spagnolo introducción Italiano introduzióne Tedesco Einführung.

«« Cerca di nuovo