codína, códina , nf: corina 1, cudina Definizione genia de pedra chi essit a orrughedhos, a giarra; logu de terra a pigighedhu fine, de codina asuta; dhue at logu chi narant codina a sa cotzina de una mata, a s'arraighina grussa, e fintzes a s'orrugu curtzu chi abbarrat de unu cambu truncau, a sa linna grussa de su fundhu de sa bide / èssere conca de c. (nau de ccn.)= tostorrudu Sinonimi e contrari arroca, cocoda, code, nodu / codinatu / cocina / cdh. cutina Frasi su fogu che est iscazandhe finas sas codinas ◊ su tretu uve si curriat su palu fit unu cucuredhu de cutina ◊ che est essidu e si che pasat in punta de una cudina 2. ca est codina, nudha bi fiorit, s'erva comente naschet si che morit 3. cussu pischedhu de casu fut tostu che codina ◊ ma tandu ses própiu codina: possíbbili chi no cumprendas?! 4. bellos sos ranos bolendhe dae sa paza seberendhe e brinchendhe in sa codina! (B.Truddaju) 5. cun sa corina de su sarmentu si arrustit sa pècia ◊ sa trapa bollit de corina, no pértia de frutu!◊ in su fogili dhue teniat unu fogu de codinas de lione 6. cust'ómini est conca de codina e prus dhu pistas e prus est pertiassu! (G.C.Mameli) Cognomi e Proverbi smb: Codina, Codinas / prb: chie at dinare pastinzat binza in sa codina Etimo srd. Traduzioni Francese roc, grésière Inglese rocky ground, rock, sandstone Spagnolo pedregal, crestón Italiano suòlo roccióso, ròccia, arenària Tedesco felsiger Boden, Sandstein.

codinàtu, codinàtzu , nm, agt Definizione logu de codina; chi paret codina, chi essit che codina Sinonimi e contrari orrochile, rocàgliu Etimo srd. Traduzioni Francese rocheux Inglese rocky Spagnolo rocoso Italiano roccióso Tedesco felsig.

nodèra , nf Definizione logu totu nodos, totu arrocas Sinonimi e contrari arrocaxa, arrochibi, marragiu, nodàgliu, rocàgliu, rocaria, rochedu Frasi peri sas noderas paret chi si siant moendhe apustis de millénnios chi sos vulcanos che las ant bombitadas ◊ petzi che sunt restendhe sas noderas, a fortza de fogos ◊ a s'altza e fala, che candho passet in nodera mala, s'ómine sighit a su pesa e rue ◊ aiat fatu cuare su bestiàmene in sas noderas Terminologia scientifica slg Etimo srd. Traduzioni Francese endroit rocheux Inglese rocky site Spagnolo peñascal Italiano sito roccióso Tedesco felsiger Ort.

pedràju , nm: pedralzu, pedràrgiu, pedrarju, pedrarzu, predarju, prediàrgiu, pretàgliu, pretarju Definizione logu totu pedra Sinonimi e contrari crastarzu, mogolàrgiu, pedraghe, pedriaxu, praicàrgiu, predàili, razile, talloraxu Frasi in cussos pedrajos bi at mudeju, ozastros, figumorisca ◊ in sos pedrarjos bi creschet sa tiria ◊ si l'ant àpita dae sa sicagna, ma sont paschenne in sos pretàglios Etimo srd. Traduzioni Francese terrain rocheux, terrain pierreux Inglese stony ground Spagnolo pedregal Italiano terréno roccióso, pietràia Tedesco steiniges Gelände.

rocàgliu , nf, nm, agt: rocalza, rocalzu, rocarju, rocarzu Definizione logu de orrocas; chi dhue at orrocas Sinonimi e contrari arrochibi, crastaza, marràgiu, nodera, rocaria, rochedu, rochitarzu / cdh. rucatógiu Frasi campugliaiant cun s'incunza chi betaiant in sos chírrios de terra tostada a sa rocalza ◊ inoghe ammiro montes e rocarzos, meravizas de custu logu 2. dae logu rocalzu comintzei a cunsiderare su nuraghe monumentu de barritu mannu Terminologia scientifica slg Etimo srd. Traduzioni Francese lieu rocheux Inglese rocky place Spagnolo peñascal Italiano luògo roccióso Tedesco felsiger Platz.

tàca , nf, nm: tacu Definizione logu artu e in paris in pitzu, mescamente orroca sola, logu de orroca arta totu a inghíriu Sinonimi e contrari giara, gollei, ibba, pranedha 1 / tecu, toneri, texile Frasi sas abbas a bàsciu terra falant dae sos tacos de Diosa ◊ su tacu ainca funt is domus de gianas est unu pranu calcàriu assurcau de is errius Terminologia scientifica slg Etimo srdn. Traduzioni Francese petit plateau rocheux Inglese small rocky tableland Spagnolo pequeña meseta rocosa, peña llana Italiano tacco, pìccolo tavolato roccióso Tedesco felsiges Tafelland.

«« Cerca di nuovo