arresétu , nm: resetu Definizione su arresetare, su istare asseliaos, in pàusu, in paghe Sinonimi e contrari apàsigu, arrébiu, arréulu 1, assébiu, assentu, assuermu, assussegu, firmada | ctr. matana, pistu Modi di dire csn: chentza arresetu = chentza si frimmare; avb.: istare (a) arresetu = abarrai firmu Frasi fit un'ora pista pista sentza tènnere arresetu!…◊ bi at zente chi andhat e benit sena arresetu ne a dedie e ne a denote ◊ sas feras ant agatadu pasu e arresetu in matas e majones 2. tempus faghet mi aiant cunfirmadu de s'arresetu de babbu tou inoghe 3. ajó, ista a arresetu, già l'isco chi ses forte! Etimo srd. Traduzioni Francese arrêt, calme Inglese stop, quiet Spagnolo descanso, tregua Italiano sòsta, quïète Tedesco Rast, Ruhepause.

assébiu , nm, agt, avb: assélgiu, asséliu Definizione su istare firmos, in pàusu, in paghe, chentza fàere, chentza matanare, chentza pentzamentos: coment'e avb. (a. = a asséliu) si podet fintzes impreare acordau che un'agetivu; fintzes trabballu po arrangiare o pònnere apostu calencuna cosa / èssere de malu asséliu = chentza asséliu, sèmpere ammungiandho Sinonimi e contrari amellu, apógliu, arréulu 1, asseletu, paidhu / firmu, séliu / arràngiu, mezoru | ctr. oriolu, tormentu, trambullu Frasi cun totu cussu it'e fàghere no tenzo asséliu ◊ aspetat de Deus s'asséliu eternu ◊ is bècius bolint asséliu ◊ su sero, sos fulferinos chirchendhe asséliu punnant a sa solzaga ◊ fostei no tenit assébiu, sempri in movimentu! 2. si arregordat de sa pischera in s'arriu cun s'àcua assélia e límpia ◊ su dolori no mi lassat assébia 3. tocat a dhas lassai assébiu is bagadias, e is cojadas puru! ◊ lassamí sa conca asséliu, gei dhu sciu su chi fatzu! ◊ atura asséliu! ◊ no podendu abbarrai asséliu de su prexu, si fiat imprassau a su babbu ◊ sas bamas sunt paschendhe assélias 4. cun cussu dinai depeus fai assélius in domu Etimo srd. Traduzioni Francese repos, calme, paix Inglese rest Spagnolo descanso, tranquilidad Italiano ripòso, quïète, bonàccia, tranquillità Tedesco Ruhe, Stille.

assulèna , nf, nm: assulenu 1 Definizione su èssere in assentu, sélios, in pàusu; fintzes cunfortu Sinonimi e contrari arrébiu, arréulu 1, assébiu, assentu, assussegu, ausentu / cufortu Frasi oe est una die de assulena perfeta ◊ no prus die de assulena, no prus die de cossolu! ◊ dàemi, columba, calchi assulenu! Etimo srd. Traduzioni Francese calme, paix Inglese quietness Spagnolo quietud Italiano quïète Tedesco Ruhe.

assusségu , nm: sossegu Definizione su istare trancuillos, sélios, in pàusu, su no àere pentzamentos in conca, su fàere o nàrrere a sa lena, chentza si arrennegare Sinonimi e contrari assébiu, assentu, assuermu, pasu | ctr. apeleu, disassussegu, oriolu Frasi chirchendhe assussegu si fúrriat in su letu… ◊ no tenent assussegu a perun'ora suta sas iras de sos elementos (Grolle)◊ su sou est unu vívere brivu de assussegu 2. immoi chi si ndi est andau cussu podeus fuedhai cun assussegu ◊ cun s'assussegu de sa fémina manna, minnanna fit dendhe cossizos a su nebode Etimo srd. Traduzioni Francese calme Inglese quietness Spagnolo sosiego Italiano quïète, serenità, pacatézza Tedesco Ruhe, Gelassenheit.

chietèsa , nf Definizione su èssere totu chietu, assentau, firmu Sinonimi e contrari assébiu Frasi su bilde de cussa tanca contra a sole lughet, cumbidendhe sos ojos chi si bi frimmant in chietesa ◊ fiat chietu ma de una chietesa chi fadiat a timiri Etimo srd. Traduzioni Francese calme, repos Inglese quiet Spagnolo tranquilidad, calma Italiano quïète Tedesco Ruhe.

pàsa 1 , nf, nm: abàsiu, pasu, pàsiu, pàusa, pàusu Definizione su istare chentza fàere, o fintzes faendho àteru, po passare s'immarritzone, su èssere o istare asseliaos, trancuillos Sinonimi e contrari arreposu, assentu, discansu, ibasu, pàsida, pausamentu / arresetu Modi di dire csn: èssere de malu pasu (nau de unu, pruscatotu pipiu) = malu a drommire, chi prangit meda, iscinitzosu; a pàusu a pàusu = a su pasa pasa, abbellabbellu Frasi no tenet felitzidade e ne pasa ◊ custa criadura est de malu pasu ◊ sas feras ant agatadu pasu in matas e majones ◊ su poboribi dh'ant lassau a pàusu 2. is caus si pesant e iscracàlliant, si cabant e si càlliant pischendi a pàusu a pàusu ◊ apo fatu totu a pàusu a pàusu Etimo ltn. pausa Traduzioni Francese calme, repos Inglese rest Spagnolo descanso Italiano quïète, ripòso Tedesco Ruhe, Stille.

«« Cerca di nuovo