iscalfíngiu , nm: iscarfíngiu, iscarfinzu, iscrafignu, iscrafíngiu, iscrafinzu, scarfíngiu Definizione coment'e unu bruxoredhu, ispirtidura a sa carre (mescamente sa pedhe) chi batit sa gana de dha frigare o iscràfere; essidura de sa pedhe chi faet iscràfere; gana forte de calecuna cosa Sinonimi e contrari malichinzu, mandhichintzu, pàpidu, papignu, ratinzu 3. li est bénnidu s'iscrafinzu de si chèrrere síndhigu Etimo srd. Traduzioni Francese démangeaison, eczéma Inglese eczema, itch Spagnolo picazón, picor, eczema Italiano prurito, eczèma Tedesco Juckreiz, Juckflechte.

malichínzu , nm: malighinzu Definizione coment'e unu pitzigoredhu a sa carre (mescamente sa pedhe) chi batit sa gana de dha frigare o iscràfere; gana forte de calecuna cosa Sinonimi e contrari iscalfíngiu, mandhichintzu, pàpidu, papignu, ratinzu Frasi si fit fudichinandhe sos naricros a malichinzu de tabbacu ◊ malighinzu a su nare o est briga o est banzu 2. si sentit in conca e in s'ischina unu malighinzu forte Etimo srd. Traduzioni Francese démangeaison Inglese itch Spagnolo picazón, comezón Italiano prurito Tedesco Juckreiz, Kitzel.

mandhichíntzu, mandhichínzu , nm: mandhighinzu Definizione su papare o istare manighendhe, papandho, nau fintzes de su chi podet fàere s'abba in su logu (ndhe pigat sa terra), in is materiales; coment'e unu abbruxoredhu in sa carre (mescamente in sa pedhe) chi batit sa gana de dha frigare o iscràfere; gana forte de calecuna cosa Sinonimi e contrari mandhigadoria, maniconzu / iscalfíngiu, manichinzu, papignu, punghizu, ratinzu 2. che gatu candho est a mandhichinzu, de s'allegria no podet istare (P.Pireddu) Etimo srd. Traduzioni Francese corrosion, démangeaison, chatouillement Inglese corrosion, itch, tickling Spagnolo corrosión, picazón Italiano corrosióne, prurito, vellichìo Tedesco Korrosion, Juckreiz, Kitzel.

manichínzu , nm: manighinzu Definizione su manigare o istare papandho, nau fintzes de su chi podet fàere s'abba in su logu leandhoche sa terra, o fintzes is àcidos in is materiales; coment'e unu abbruxoredhu a sa carre (mescamente in sa pedhe) chi batit sa gana de dha frigare o iscràfere; gana forte de calecuna cosa / manighinzu de palas = (in cobertantza) disígiu de cropos, nau a ccn. chi no iscurtat Sinonimi e contrari mandhichintzu / iscalfíngiu, malichinzu, pàpidu, papignu, ratinzu / cdh. magnatzona Frasi m'abbàida su manighinzu chi ant fatu sos sórighes in sos trastes! ◊ cussa zente si che tzacat totue ca l'interessat su manighinzu! ◊ candho intrant a cumandhare promitint montes e mares sempre pro su manighinzu 2. si t'imbrígliat fulana ti passat su manighinzu!…◊ su bentu chelvinu benit a manighinzu totue ◊ pisedhu, mi pares a manighinzu de palas e buscas, si no baes! Etimo srd. Traduzioni Francese démangeaison Inglese itch Spagnolo picazón Italiano prurito Tedesco Korrosion, Juckreiz, Kitzel.

papígnu , nm: papíngiu, papinzu Definizione coment'e un'abbruxore in sa carre (in sa pedhe) chi batit sa gana de dha frigare o iscràfere Sinonimi e contrari apàpiu, iscalfíngiu, mandhichintzu, pàpidu, papiu, ratinzu / cdh. magnatzona Frasi su sintzu est fendimí arrabiai de su papíngiu ◊ candu càstiu e no tocu mi pigat a papíngiu ◊ candho sa musca detadora at detau a càrigas faet a istúrrudus e a papíngiu Etimo srd. Traduzioni Francese démangeaison Inglese itch Spagnolo picazón, comezón Italiano prurito, pizzicóre Tedesco Juckreiz.

pissiòri , nm: pitigore, pitzigore, pitzigori, pitziori Definizione genia de pistidhore in sa pedhe chi faet a iscrafíngiu, chi friet, paret de púnghere; fintzes gana manna de calecuna cosa Sinonimi e contrari abbrugiore, budhiorza Frasi si furint fatus púngiri de s'àrgia e iant inténdiu feti unu pissiori lébiu ◊ a pitziori ti pigant is gunnedhas mias? ◊ mancai siast arrullada, pitziori meda tenis! ◊ su iscràfiri meda fait a pitziori etotu Etimo srd. Traduzioni Francese démangeaison Inglese itch Spagnolo picor, comezón Italiano pizzicóre, prurito Tedesco Juckreiz, Jucken.

scarfíngiu , nm: iscalfíngiu*, scrafíngiu Definizione coment'e unu abbruxoredhu a sa carre (mescamente in sa pedhe) chi batit sa gana de dha frigare o arrasigare a lébiu; gana forte de calecuna cosa Sinonimi e contrari malichinzu, mandhichintzu, pàpidu, papignu, ratinzu Frasi sa fà fait a scrafíngiu ◊ su scarfíngiu miu no ti at mai fatu fasciugu Traduzioni Francese démangeaison Inglese itch Spagnolo picazón Italiano prurito Tedesco Juckreiz.

spurtíri , vrb: ispirtire* Definizione pistidhire in sa carre comente faet cosa budhia, su sole o àteru, ma fintzes comente faet cosighedha a punta che lana tostada o tètera, cosa arrasposa; giare ifadu, coment'e de cosa chi punghet o pistidhit in sa pedhe Sinonimi e contrari fríere, ispitudhare, ispitulare, papai, pistidhire, piticare Frasi spurtit custu soli: seus in gennarxu e pareus in maju! ◊ notesta mi spurtiat custu pei, comenti dhu portu unfrau ◊ custu maglioni comenti mi tocat mi spurtit in su tzugu, ca sa pedhi est prus dilicada ◊ dhi spurtiat sa buca: fiat bíndhighi dis crocau 2. funt is ingiustítzias chi ti spurtint Cognomi e Proverbi prb: a chini spurtit coit Traduzioni Francese démanger, brûler Inglese to itch, to smart Spagnolo picar Italiano dare prurito, bruciare Tedesco jucken, brennen.

«« Cerca di nuovo