Ditzionàriu in línia
de sa limba e de sa cultura sarda

annéstriu, annéstru , nm Definizione totu su chi si narat o chi si faet a unu po dh'imparare s'educatzione Sinonimi e contrari educascione, imparu, iscussada Frasi no ndhe li at dadu de annestru a su fizu e como si ndhe impudat! ◊ annéstrios e cossizos retziant babbu e fizos! (G.A.Mura) Etimo srd. Traduzioni Francese éducation Inglese education, training Spagnolo educación, formación Italiano educazióne, addestraménto, istruzióne Tedesco Erziehung, Ausbildung, Bildung.

impàru , nm Definizione su imparare / serbí de i. (unu certu, dannu, istrobbu) = itl. servire da lezióne, de iscrammentu Sinonimi e contrari ammaistramentu, annéstriu, imparamentu, imparonzu Frasi faghindhe chirca e dendhe imparu as dadu lughe a sa persone ◊ ca so nàschidu prima, prima apo tentu imparu ◊ s'agu ti siat pinna chentza perunu imparu! ◊ imparu malu ti ant donau a bolli cent'e unu amorau in fastígius! ◊ tocat a donai imparus bonus a is fillus Etimo srd. Traduzioni Francese apprentissage, instruction, stage Inglese learning, training Spagnolo aprendizaje Italiano apprendiménto, tirocìnio, istruzióne Tedesco Lernen, Lehre, Bildung.