Ditzionàriu in línia
de sa limba e de sa cultura sarda

iscalmentàre , vrb: iscammentare, iscarmentai, iscarmentare, isclamentare, iscramentai, iscrammentai, iscrammentare, isgramentare, scramentai Definizione currègere su cumportamentu imparandho de unu male, de cosa chi est costada meda, de unu dannu po dh’àere provau; pigare assíchidu Sinonimi e contrari iscadhai, spriai / asciuconare Frasi onzi die a campu che lu leo: daghi iscarmentat a triballu as a bis chi li benit sa gana de istudiare! 2. intendhimus chi s'iscrammentat sa robba: currimos e agatamos s'anzone iscannadu dae su grodhe Cognomi e Proverbi prb: chini est iscrammentau de s'àcua budhia timit sa frida puru Etimo spn. Traduzioni Francese décourager Inglese to discourage, to desist Spagnolo escarmentar Italiano scoraggiare, desístere per effètto di esperiènza forteménte negativa Tedesco entmütigen, ablassen.

iscalméntu , nm: iscaramentu, iscarmentu, iscramentu, iscrammentu, scalmentu Definizione genia de imparu e cambiamentu po calecunu male chi unu at provau Sinonimi e contrari iscadha, iscadhura Modi di dire csn: giúghere a i. = a montovu, pro chi serbat de imparu; si ndhe at bidu, ndhe amus bidu malos iscrammentos = amus connotu dannu mannu, males, isperiéntzias chi faghent iscrammentare Frasi un'iscarmentu balet pro chentu ◊ sos pàsculos in afitu pro pacu tempus los ant pacaos: apustis ant pérdiu totu e commo sunt a iscaramentu ◊ pro fàghere iscrammentu a s'ae bessi cun s'archibbusu! ◊ su mundu est mau, si ndi at inténdiu maus iscramentus! ◊ su cherbedhu suo fit istau labau dae sos iscaramentos de sa gherra ◊ ndhe amus leadu iscrammentu e nisciunu at piús regoltu nudha: podiat èssere una bomba! Etimo spn. escarmiento Traduzioni Francese déception Inglese disillusionment Spagnolo escarmiento Italiano scottatura, esperiènza pèssima Tedesco Enttäuschung, unangenehme Erfahrung.

isperiénscia , nf: esperiéntzia, isperiénscia, isperiéntzia, ispiriéntzia, spariéntzia Definizione su connòschere sa faina, is cosas, is chistiones po dhas àere bistas, connotas, provadas, fatas Frasi su pani podit abarrai atellau e matzosu, ma is féminas chi tenint bona isperiéntzia de raru arruint in custa fadhina ◊ chin s'isperiéntzia de sos otant'annos isse intrat a s'ánima sua misuràndheli s'istripile ◊ fit iscadhau e s'isperiéntzia lu fachiat pessare a su malu ◊ s'isperiéntzia narat ca custu mali benit de su bentu marinu ◊ issu at isperiéntzia e aio fatu bene si l'aio iscurtau Traduzioni Francese expérience Inglese experience Spagnolo experiencia Italiano esperiènza Tedesco Erfahrung.