busúliu , nm Sinonimi e contrari abbolotu, móricu Frasi addaghi bido tzertas vizilias si mi ponet su sàmbene in busúliu Traduzioni Francese désordre Inglese stirring, mess Spagnolo desorden Italiano rimescolìo, disórdine Tedesco Verwirrung.

dilbaràtu , nm: dirbaratu, disbaratu Definizione disórdine in su fàere, in su papare; cosa ispantosa chi si narat chentza fundhóriu; male mannu, arruina / èssere gitu a disbaratu = bogau in bregúngia, fatu a befa Sinonimi e contrari desatinu 3. ses brujendhe in s'eternu disbaratu o ses penendhe ancora in purgadóriu o già in sinu a Deu bolu as fatu? (P.Casu)◊ su sóriche in magasinu fachet dirbaratu, gulàticu a su casu ◊ chie lu diat àere pensadu, de cussu fulanu, a fàghere cussu dilbaratu, a fàghere una morte?! 4. cuss'ómine est gitu a disbaratu Etimo spn. desbarate Traduzioni Francese débauche, désordre Inglese immorality, disorder Spagnolo desbarate Italiano scostumatézza, disórdine Tedesco Ausschweifung, Unmäßigkeit.

iscótu , nm Definizione su iscotare, su iscotzai, su pònnere tréulu Sinonimi e contrari algadaria, disórdine, impródhiu, iscóticu, isórdulu, trobodhu Modi di dire csn: èssere o restare a pedra de i. (pedra chi no tenet sétiu, no setzit bene fendi muru) = a intzegu, dendhe istrobbu, faghindhe male, nadu fintza de chie ponet cuvusione in d-una cumpanzia; bogare iscotos = bogai frocus, mendheas Frasi nademilu inue at missu iscotu, chighílliu, chimentu! ◊ sos malos abbarrant a pedra de iscotu e sos bonos si che morint…◊ custu cadhu est boghendhe iscotos! Traduzioni Francese désordre Inglese disorder Spagnolo desorden Italiano disórdine Tedesco Durcheinander.

isórdulu , nm Definizione su isordulare, betare apare, pònnere totu a s'afaiu, su èssere o istare totu s'afaiu de is cosas Sinonimi e contrari algadaria, disórdine, impródhiu, maciamurru, milciamuredhu, trobodhu | ctr. cunseltu, remonimentu Etimo srd. Traduzioni Francese désordre Inglese disorder Spagnolo desorden Italiano disórdine Tedesco Unordnung.

milciamurédhu , nm: misciamuredha, misciamuredhu Definizione cosa fata male, a improdhu, betada apare chentza órdine e ne critériu / a m. = betadu apare, totugantu a méschiu Sinonimi e contrari algadaria, disórdine, impródhiu, isórdulu, maciamurru, milcialisèbera, trobodhu Frasi fint maridu e muzere e paritzas criaduras, totu ammuntonados a misciamuredhu in duos aposentos Traduzioni Francese fatras, désordre Inglese mess Spagnolo amasijo, batiburrillo Italiano guazzabùglio, disórdine Tedesco Hudelei.

scuncodrài , vrb: isconcordare*, scuncordai, scuncordare Definizione segare s'acórdiu, essire in malas, bogare de pare o isconciare una cosa o unu logu bene allichidiu, fintzes cambiare su tempus de bonu a malu / s. sa coja = essire fora de pare maridu e muzere Sinonimi e contrari disconcordiare, isconciare, isordulare | ctr. cuncodrai Frasi Peparosa nd'est cuntenta chi tui àpasta scuncodrau cun su vicàriu ◊ cun issu fustis sempri impari, ma eus scuncordau e no si fait a biri prus 2. cumentza a ndi scuncodrai s'ingirialetu! ◊ no nc'est prus nisciunus a comporai: cumbenit a scuncordai totu e a si spesai! 3. e no mi scuncòdristi su sànguni! ◊ oi est dí bella ma su tempus nanca torrat a scuncordai Traduzioni Francese rompre un accord, décomposer, mettre en désordre Inglese to break an agreement, to disarrange Spagnolo romperquebrar un acuerdo, desarmar, desarreglar Italiano romper l'accòrdo, scompórre, méttere in disórdine Tedesco die Vereinbarung brechen, zergliedern, durcheinanderbringen.

«« Cerca di nuovo