carúmene , nm: carúmine Definizione sa càscia, is ossos de un'animale mortu (e fintzes de su cristianu) Sinonimi e contrari ispéigu, ispínnicu Frasi una tumba nos paret pienada de carúmenes púdidos e mortos ◊ si depia bolare fintzas a s'istedhu prus atesu, cun cales alas che tia pòdere trazare custu carúmene? Traduzioni Francese charogne, carcasse Inglese carrion Spagnolo carroña Italiano carógna, carcame Tedesco Tierleiche.

carúngia, carúnza , nf Definizione animale mortu, ispéigu: nau a disprétziu, àliga de muntonàrgiu; fintzes bisura, sa cara po su chi paret Sinonimi e contrari moltolzu Frasi innantis fipi un'avuzu po sa carunza 2. no fiat prexada, antzis portada carúngia maba! Traduzioni Francese charogne Inglese carrion Spagnolo carroña Italiano carógna Tedesco Tierleiche.

cóntzica , nf Definizione unu pegus mortu de male e abbandhonau, mescamente su chi abbarrat de ossos e de pedhe Sinonimi e contrari ispéigu, moltolzu Traduzioni Francese charogne Inglese carrion Spagnolo carroña Italiano carógna Tedesco Tierleiche.

ispéigu , nm: spegu Definizione pegus mortu, pérdiu, abbandhonau, mescamente su chi abbarrat de ossos e de pedhe Sinonimi e contrari carúmene, cóntzica, iscórtigu, moltolzu, steressu Frasi in altu si bidiant bolos de untulzos bramosos de godire sos ismulzos cun calchi ispéigu in punta de una serra (A.Casula)◊ sa Sardigna is istràngios dh'iant dividia coment’e un’ispéigu is intúrgios Etimo srd. Traduzioni Francese charogne Inglese carrion Spagnolo carroña Italiano carógna, béstia mòrta abbandonata Tedesco Aas.

moltólzu , nm: mortógiu, mortógliu, mortórgiu, mortóriu, mortorju, mortorzu, mortoxu, motroxu, multóriu, murtógiu Definizione pegus mortu, pérdiu, abbandhonau, mescamente su chi abbarrat de ossos e de pedhe; bochimentu de animales e gente; logu chi dhue at pegus o persona morta, inue est totugantu mortu o no dhue at singiale de vida, de movimentu, fintzes sa funtzione po che portare su mortu a campusantu / is mortórius = totu su tempus chi, in chida santa, no si sonant sas campanas (de s'incravamentu a sas allegrias) Sinonimi e contrari cóntzica, ispéigu / bochimentu Modi di dire csn: ghetàresi a mortorju = betàresi a burbas mortas, ghetaisí a s'abbramia che animali a su spéigu, a morti tzurpa; zanna, domo, logu serradu a mortóriu = coment'e chi siant mortus totus, chi no dhoi siat prus nemus; dòlere a mortóriu = meda, de pàrrere morindhe; èssere unu mortóriu, nadu de unu logu = chi no dhoi at genti, movimentu, ispàssiu; genia de frastimu: Su mortóriu sa bidha li paghet! = essiri pòberu a s'úrtimu puntu; sudoratu a mortógliu = sueradu totu ifustu, a una murca de suore Frasi sos abbilastros sunt arrodiados a su mortorzu ◊ parent canes iscudèndhesi a moltolzu ◊ bi godit solu si biet mortórgiu, annanno de fogile in fogile (A.Zedde) 2. ant arrestau a unu po su motroxu de Bissenti 3. sa bichina fit relizonosa e si prestaiat a cada mortóriu ◊ ant àpidu sa zanna serrada a mortóriu ◊ custa bidha est unu mortóriu! ◊ cussu logu ti at a pàrriri unu mortóriu ◊ at pagadu su mortóriu a su preíderu 4. pro su dinare s'ómine si ghetat a mortorju Cognomi e Proverbi prb: a su mortorzu current sos corvos Etimo srd. Traduzioni Francese charogne, abattage, enterrement Inglese murder, carrion, funeral Spagnolo carroña, matanza, entierro Italiano carógna, béstia mòrta, uccisióne, mortòrio Tedesco Aas, Kadaver (animale), Leiche (cristianu), Tötung, ausgestorbener Ort.

«« Cerca di nuovo