bombiàre , vrb Definizione coment'e torrare agoa su sonu candho agatat ananti ccn. cosa Sinonimi e contrari arreddobbai, arrembombai, atumbidai, intumbidare, intumbire Etimo srd. Traduzioni Francese résonner, retentir Inglese to rumble Spagnolo retumbar, resonar Italiano rimbombare Tedesco dröhnen.

intronàre , vrb Definizione fàere a sonu forte, coment'e a tronu sighiu un'iscuta, comente faet sa boghe in logu serrau o si agatat cosa in mesu chi dha torrat agoa Sinonimi e contrari arreddobbai, arrembombai, atumbidai, bombiare, dringhidhai, intumbidare, intumbire Frasi su mare intronaiat in sas pèrcias ◊ bessesit tandho una fiama bia de una nue niedha pedrale e un'úrulu intronesit bestiale (S.Casu)◊ iscatat su grillete de s'archibbusu: unu tzocu introneit in s'aera ◊ intronaiat piús su tamburu e fit tambedhu su carrasegare ◊ giai ocannu un'àtera campana at intronadu in s'aera ◊ l'intronaiat sas orijas s'úrulu de su bentu Etimo srd. Traduzioni Francese résonner Inglese to resound Spagnolo resonar, retumbar Italiano risuonare, rimbombare Tedesco erschallen, dröhnen.

intumbidàre , vrb Definizione fàere a sonu forte e sighiu un'iscuta, comente faet sa boghe in logu serrau, o si agatat cosa ananti, chi dha torrat agoa: si narat fintzes po sonare ebbia Sinonimi e contrari arrembombai, bombiare, intinzire, intronare, intumbire / sonai Frasi candho cantas tue tota s'adhe, intumbidendhe, paret una campana ◊ un'isparu orrorosu intúmbidat intro de sa note 2. su corru pintu cheria intumbidare pro n'ischidare sos frades carrales (G.Delogu) Etimo srd. Traduzioni Francese retentir, résonner Inglese to echo Spagnolo resonar, retumbar Italiano risonare, echeggiare Tedesco hallen, widerhallen.

tinníre , vrb: tzennire Definizione sonare comente faet su ferru o àteru metallu, s'imbidru, ma fintzes coment'e is campanas Sinonimi e contrari sinniai, sonai, tinnidare Frasi intendhiamos sas ischíglias tinnindhe che campanas 2. candho benit Maloccu a Macumere, Murenu tinnit chei sa campana! Etimo ltn. tinnire Traduzioni Francese tinter, retentir Inglese to tinckle, to ring Spagnolo tintinear, resonar Italiano tintinnare, squillare Tedesco klingeln, läuten.

«« Cerca di nuovo