colpàdu , pps, agt, nm: corpadu, corpau Definizione de colpare; guastu po calecuna maladia, nau mescamente de frutuàriu chi s'intostat e sicat in calecunu tretu de su pígiu de fora, a marcu, coment'e chi apat leau cropu; nau solu de ccn., chi no est tanti giustu de conca Sinonimi e contrari arropau, scutu / feltu, gastu 1 Modi di dire csn: corpadu a mortu = de ndhe mòrrere; corpadu dai sos mortos = tocadu, chi lu at curpidu carchi mortu, chi lu at tocadu zente morta; èssere corpadu a… (cragu, sèmene, machine, àteru) = chi bi ndhe ant postu tropu, tantu meda de nòghere 2. custa pira, ocannu, est totu corpada ◊ sa néspula de s'ortu meu est totu corpada, no bi ndh'at una bella ◊ de cantu ses colpadu ses ridículu! (Piras) 3. custu laore est corpadu a sèmene: tropu carcu e no bi faghet bonu! ◊ già che ndh'at colpados, legos e mandrones! Traduzioni Francese frappé, tavelé Inglese rotten Spagnolo golpeado, podrido Italiano colpito, guasto, ticchiolato Tedesco geschlagen, verdorben, fleckig.

fràzicu , agt, nm: fràzigu Definizione nau mescamente de cosas de papare, erbas o linnas, chi est guastu, pudrigau de no aguantare; foedhandho cun tzacu, fatu, chistione Sinonimi e contrari frazigadu, marcitau, pordiau / cdh. fràcicu Modi di dire csn: casu fràzigu = casu martzu, fatu; ista fràzigu! = abarra firmu!; iscúdere che fràzicu = iscúdere a mal'istropiadura Frasi chi siat perfetu in sestu forsi no bi at cristianu: si un'aizu at de sanu, est fràzigu su restu ◊ s'aradu de ferru est totu fràzigu de ruinzu ◊ so che a su frutu fràzicu, chi tenet su colore bellu a fora ◊ muru chi sustenet trae no est fràzigu ne sortu ◊ bi at frommija chi faghet su nidu in sa linna fràziga 2. ma a ti cheres fàghere sos fràzigos tuos?!…◊ lu depet àere iscutu male: su carrale iscudet che fràzicu! Etimo itl. fràcico Traduzioni Francese pourri, putrescent Inglese rotten, rotting Spagnolo podrido Italiano putrefatto, màrcio, putrescènte Tedesco faul.

loguníu , agt: luguniu Definizione nau de s'ou, chi est frochiu o fintzes isciaculadori, guastu; nau de s'ogu, chi est annapau Sinonimi e contrari crochidu, lanitu, launiu, tzotzidu 2. custos versos lugunios si sorbent in s'aggorru de su coro chene peruna ispera, crochindhe solu zuntas de nàstala (F.Satta) Traduzioni Francese couvé, fécondé, couvi, pourri Inglese brooded, fertilized, rotten Spagnolo empollado, fecundado, huevo podrido Italiano covato, fecondato, barlàccio Tedesco ausgebrütet, faul.

méltzigu , agt: métzigu Definizione chi est coment'e mertzu, guastu Sinonimi e contrari demmu, maladióngiu, malesanu, mantzadu | ctr. líaru, sanu Frasi suta de unu sole méltzigu bides sos disterrados Etimo srd. Traduzioni Francese véreux Inglese maggoty Spagnolo picado, podrido Italiano bacato, mèzzo màrcio Tedesco wurmstichig, angefault.

nesicàu , pps, agt: nesigadu Definizione de nesicare; chi portat nésigas, mància, calecunu male Sinonimi e contrari fermiu, maguladu, malàdiu, mantzadu, mermitu | ctr. líaru, sanu 2. no est mortu ma est abbarrau nesicau ◊ donzi frúture est nesigada ◊ su mundhu est nesigadu dae mentes umbrosas ◊ fit una cuba chi aia nesigada ◊ tenzo a muzere mia nesigada, sempre a ohis Traduzioni Francese abîmé, taré Inglese rotten, faulty Spagnolo podrido, picado Italiano bacato, guasto, tarato Tedesco verdorben, ungesund, gebrechlich.

pordiàu , pps, agt: prodicau, prudicau, prudigadu Definizione de pordiai, purdiai; chi est guastu / abbarra prodicau! = abarra firmu!, ista síncheru! Sinonimi e contrari fràzicu, frazigadu, marcitau 2. is reticulaus fuant fatus cun palus de linna mesu purdiaus ◊ zuchet sas dentes minujas belle e totu prudicadas Traduzioni Francese pourri Inglese rotten Spagnolo podrido Italiano marcito, putrefatto Tedesco verwest, verfault.

prúdicu , nm: púrdiu Definizione su pudrigare, sa cosa pudrigada, sa parte pudrigada Sinonimi e contrari brechinzu, martzímine, martzúmene, prudigore Frasi carenas chi si abbarrant in prúdicu de passiales de rudiu che làcrimas assutas chi raju de amore mai ant partoriu (L.Loi)◊ cumpudàndhemi in intro mi afumàdico de prúdicu chi no tramudo Etimo srd. Traduzioni Francese pourri Inglese rotten Spagnolo podrido Italiano màrcio Tedesco Faule.

«« Cerca di nuovo