arrosinài, arrosinàre , vrb: resinare* Definizione fàere abbighedha lébia, fine, modhina / pps. arrosinau = fintzas úmidu de lentore, de serenu Sinonimi e contrari aciaviai, arrevinae, cibinare, lentinare, mirmisiare, modhinare, plopighinare, proighinai 2. s'àxina no si ndi depit segai arrosinada ca no fait binu bellu Traduzioni Francese pleuviner Inglese to mist Spagnolo lloviznar Italiano piovigginare Tedesco nieseln.

babbiscàre , vrb: bobbiscare, brubbiscare, bubbiscare Definizione fàere un'abbighedha, pròere unu pagu; ispergiare abba, abbasanta o àteru Sinonimi e contrari arrosinai, cibinare, isprinzulare, istedhiare, lentinare, proighinai / crispiai, ispanzolare, ispergiare, schiscinai, scongiobai Frasi nadas cussas paràgulas, at babbiscau s'abbasanta a su pitzinnu pro lu batizare Etimo ltn. (Dominus) vobiscum Traduzioni Francese asperger Inglese to sprinkle Spagnolo lloviznar, asperjar, hisopear Italiano aspèrgere Tedesco besprengen, nieseln.

cibinàre , vrb: civinai, sifinare, tifinare, tziviai* Definizione pròere, fàere abbighedha fine Sinonimi e contrari aciaviai, arrevinae, arrosinai, istedhiare, lentinare, modhinare, plopighinare, proighinai Traduzioni Francese pleuviner Inglese to drizzle Spagnolo lloviznar Italiano piovigginare Tedesco nieseln.

lentinàe, lentinài, lentinàre , vrb Definizione cumenciare a pròere, pròere a istídhigos pitichedhos, abbighedha fine (3ˆ p. sing. lentinat/léntinat) Sinonimi e contrari arrevinae, arrosinai, cibinare, lentizae, mirmisiare, modhinare, papuschiare, proighinai Frasi v'aviat unu pacu de ventu e fit comintzandhe a lentinare 2. sa gula mi ant astrintu sos ingannos e sos gútzios de túcaru e belenu chi lentinandhe mi est su loru anzenu ◊ cussa melodia lentinat ternura Traduzioni Francese pleuviner, pleuvasser Inglese to mist Spagnolo lloviznar Italiano piovigginare Tedesco nieseln.

modhinàre , vrb: ammodhinae, mudhinare, mundhinare Definizione cumenciare a pròere, fàere pagos istídhigos, pròere a fine, a istídhigos lascos, fintzes betare àteru a ispergiadura che istídhigos de abba Sinonimi e contrari aciaviai, arrosinai, cibinare, isprinzulare, istedhiare, lentinare, mirmisiare, pispisinare, proighinai Frasi custu manzanu at modhinadu 2. s'aera est modhinendhe piúere niedhu Etimo ltn. *molliginare Traduzioni Francese pleuviner, pleuvasser Inglese to drizzle Spagnolo lloviznar Italiano piovigginare Tedesco nieseln, sprühen.

proighinài , vrb: proiginai, proiginare, proischinare, proixinai, proxinai Definizione pròere pagu, abbighedha lena Sinonimi e contrari aciaviai, arrosinai, cibinare, istedhiare, lentinare, modhinare, pioinare, plopighinare, proiginedhare Frasi a marrai trigu andastus mancai proxinendi ◊ totu su mesi est abarrau próxina próxina Terminologia scientifica tpm Etimo srd. Traduzioni Francese pleuviner Inglese to drizzle Spagnolo lloviznar Italiano piovigginare Tedesco nieseln.

tzaviài, tzaviàre , vrb: aciaviai Definizione betare o fàere tzàvius, orrosinas, betare istídhigos, abbighedha fine Sinonimi e contrari arrosinai, arrusciai, cibinare, istedhiare, modhinare, papuschiare, paspiare, proighinai, spripidhai, tziviai Frasi tzàviat s'abba in su pamentu pro pòdere mundhare bene sa domo Etimo srd. Traduzioni Francese asperger, pleuviner Inglese to sprinkle, to drizzle Spagnolo rociar, lloviznar Italiano spruzzare, piovigginare Tedesco bespritzen, nieseln.

tziviài , vrb: cibinare, sifinare, tifinare, tzivinai Definizione pròere, fàere abbighedha fine selena Sinonimi e contrari arrevinae, arrosinai, arrusciai, istedhiare, modhinare, papuschiare, paspiare, proighinai, tzaviai Frasi calincuna dí, candu tzívinat, ti parit de èssiri foras de custu mundu ◊ innòi est tzivinendi, ma in monti cust'àcua est ní! Etimo srd. Traduzioni Francese pleuviner Inglese to drizzle Spagnolo lloviznar Italiano piovigginare Tedesco nieseln.

«« Cerca di nuovo