Ditzionàriu in línia
de sa limba e de sa cultura sarda

belósu , agt Definizione chi tenet gelosia, chi no est cuntentu de su bene de s'àteru Sinonimi e contrari fengiosu, odiosu, sangiosu / gellosu* Frasi apo aciapadu una betza belosa, inimiga pro me e no isposa! ◊ nois, pro no fàghere partes belosas, amus postu campidanesu e logudoresu s’unu a costazu a s’àteru (S.Seu) 2. fit belosu de sa libbertade de sos amigos, ca isse fit prenu de contivizos e no si podiat mòere Traduzioni Francese envieux Inglese envious Spagnolo envidioso Italiano invidióso Tedesco neidisch.

fengiósu, fengósu , agt: vengiosu Definizione chi sentit fenga, chi ndhe tenet ódiu de s'àteru Sinonimi e contrari belosu, imbidiosu, odiosu, sangiosu Frasi ti dhu torro a nàrrere cale est su bonu: a rispetare s'àteru, a no èssere ingullionarzu, a no èssere fengosu ◊ cussas funt bucàcias e fengiosas ◊ e no siast fengiosa cun connau tuu! Traduzioni Francese envieux Inglese envious Spagnolo envidioso Italiano invidióso Tedesco neidisch (di=auf+Akk.).

odiósu , agt, nm Definizione chi o chie tenet ódiu de is àteros, chi, no de si ndhe alligrare, dhi dispraghet chi àtere tèngiat bene; chi sentit ódiu, tenet sentidos malos po àtere Sinonimi e contrari belosu, fengiosu, odianu, sangiosu, unconosu / terriosu / cdh. udiosu Frasi issa fit paurosa ca timiat sa zente odiosa ◊ lampu ma est odiosu, mih: a unu mezorendhe mancu lu faedhat prus! ◊ s'ómine odiosu abbandhonat a Deus Traduzioni Francese envieux Inglese envious Spagnolo envidioso Italiano invidióso Tedesco neidisch.