condièrra , nf: contierra, cundierra, cuntierra, cuntierru Definizione su istare chistionandho no própriu a briga ma naendho cosas diferentes o contràrias de s'àteru; su andhare contras a ccn., a calecuna cosa, prus che àteru chentza arrexone, tanti po dhi essire in contràriu; matana, múngia, pelea po calecuna cosa Sinonimi e contrari certu, contiendha, cumbata, discussura, trivérsia Frasi inimigos de dogni cuntierra tribagliendhe si leant su seguru in òperas de paghe e no de gherra (P.Casu)◊ in sa figu de comare sos corvos in cuntierra dae altu e dae terra cherent totu piculare! (P.Tessuti)◊ si in su mundhu no che at cuntierra e no esistit sa disamistade m'ischides nàrrere candho sunt cuntentos sos negusciantes de sos armamentos? ◊ apenas ischidu chi Cristos aiat sanu a unu tzegu in die de sàpadu, sos Fariseos intrant in cundierra pro lu acusare 2. fàghelis cundierra cun sas fritzas de su versu! ◊ a Deus no movedas cuntierra, de Isse no siedas inimigos, chi cumandhat in chelu mare e terra (P.Casu)◊ azummai si che fint brigados, ma poscas sas cuntierras za las ant cumpostas Etimo spn., srd. contienda + gherra Traduzioni Francese polémique, controverse Inglese argument Spagnolo discusión, polémica, contienda Italiano discussióne, polèmica, contésa, vertènza Tedesco Diskussion, Auseinandersetzung, Streit.

cuntràstu , nm: cuntrestu Definizione su istare foedhandho cun ccn. arrexonandho de calecuna cosa / leare cuntrestu de carchi cosa = leare chistionu, chistionai de ccn. cosa Sinonimi e contrari alleca, arragionu, chestione, chistionu, discussura, negóssiu Frasi o faedhet onestu o càmbiet cuntrestu! ◊ Pilatu, in chirca de abbambagare su pópulu, sighit cun sos cuntrestos suos faedhendhe de totu su bene chi Gesús lis at fatu ◊ intendhendhe sa ragalla, si sunt acurtziados a ue fint cudhos pro ndhe collire s'assuntu de su cuntrestu Traduzioni Francese conversation Inglese argument Spagnolo discusión Italiano discussióne, conversazióne Tedesco Diskussion.

dibbàta , nf, nm: dibbatu Definizione su chistionare cuntrestandho Sinonimi e contrari condierra, cuntrastu, dibbàtidu, discussura Frasi ita dibbata mabadita! Etimo spn. Traduzioni Francese discussion Inglese argument Spagnolo debate, discusión Italiano discussióne Tedesco Diskussion.

reòta , nf Definizione genia de chistionu a perrica, donniunu faendho is partesas suas; fintzes capacidade de arrespòndhere a s'àteru chentza dificurtade Sinonimi e contrari abbétia, gherrabiga, ghirta, tricata Frasi candho fit colandhe su baule, sa cumarca, a reota in sa prata, si nche fit remonia a intro Traduzioni Francese diatribe, discussion Inglese dispute Spagnolo diatriba, discusión Italiano diatriba, discussióne Tedesco Diskussion.

repitída , nf: ripitia, ripitida Definizione foedhare, arrespòndhere coment'e po no dha giare binta a s'àteru, fintzes coment'e chistionu; foedhandho de sonu de campana, su segundhu tocu po sa matessi cosa (ora, o àteru); manígiu de sa limba a manera de torrare a nàrrere cosa nada po dhi giare prus fortza / leàresi, tènnere repitida = abbetiai Sinonimi e contrari abbétia / ttrs. ribidia / repitu Frasi nos amus leadu repitida: deo nendhe goi e issa chi nono! ◊ chin issa no bi at àpiu mai una ripitia o un'irbúfida in tantu tempus chi biviat in dommo ◊ biendhe chi babbu e fizu si fint caentandhe meda, si est posta in mesu pro abbrandhare sa ripitia 2. sos tocos de s'orolozu ant sonadu sa ripitia de mesunote 3. ndhe li mutzo sa conca, ndhe li mutzo! ◊ màniga casu, màniga! ◊ inchi ti fatzant iscritu, ti fatzant! ◊ baxi in sa fruca chi andeis! ◊ bae in bonora, bae! ◊ ancu lu sulent sas píberas, chi lu sulent! ◊ ma cale bucu?!… ancu ti che falet su mucu, ti che falet! ◊ si no fumis tribagliadores bonos bi fumis istados una chida, bi fumis istados, in cussa faina! ◊ e gopai sartat, sartat? ◊ Prontos semus, prontos! Etimo srd. Traduzioni Francese insistance, prise de bec Inglese little vendetta, insistence, squabbles Spagnolo insistencia, discusión Italiano ripicca, insistènza, battibécco Tedesco Einwand, Widerrede.

tiristràtza , nm Definizione tira e istratza, tira e tosta, nau prus che àteru in su sensu de murrúngiu, briga, su istare tirandho donniunu sa cosa a sa parte sua, s'arrexone sua Sinonimi e contrari atupetada, gherrabiga, repitida Frasi sa zente fit a su currente de su tiristratza de su marissallu chin sa sorre de su bandhiu Etimo srd. Traduzioni Francese prise de bec Inglese bickering Spagnolo discusión Italiano battibécco Tedesco Wortstreit.

«« Cerca di nuovo