arresétu , nm: resetu Definizione su arresetare, su istare asseliaos, in pàusu, in paghe Sinonimi e contrari apàsigu, arrébiu, arréulu 1, assébiu, assentu, assuermu, assussegu, firmada | ctr. matana, pistu Modi di dire csn: chentza arresetu = chentza si frimmare; avb.: istare (a) arresetu = abarrai firmu Frasi fit un'ora pista pista sentza tènnere arresetu!…◊ bi at zente chi andhat e benit sena arresetu ne a dedie e ne a denote ◊ sas feras ant agatadu pasu e arresetu in matas e majones 2. tempus faghet mi aiant cunfirmadu de s'arresetu de babbu tou inoghe 3. ajó, ista a arresetu, già l'isco chi ses forte! Etimo srd. Traduzioni Francese arrêt, calme Inglese stop, quiet Spagnolo descanso, tregua Italiano sòsta, quïète Tedesco Rast, Ruhepause.

arréulu 1 , nm Definizione su istare o si pònnere firmos, asseliaos; in cobertantza, su istare in giru bagamundhos / no tenet a. = no tenit asséliu Sinonimi e contrari arresetu, assébiu, assentu Etimo srd. Traduzioni Francese pose Inglese sediment Spagnolo reposo, descanso Italiano pòsa, posatura Tedesco Legung.

assébiu , nm, agt, avb: assélgiu, asséliu Definizione su istare firmos, in pàusu, in paghe, chentza fàere, chentza matanare, chentza pentzamentos: coment'e avb. (a. = a asséliu) si podet fintzes impreare acordau che un'agetivu; fintzes trabballu po arrangiare o pònnere apostu calencuna cosa / èssere de malu asséliu = chentza asséliu, sèmpere ammungiandho Sinonimi e contrari amellu, apógliu, arréulu 1, asseletu, paidhu / firmu, séliu / arràngiu, mezoru | ctr. oriolu, tormentu, trambullu Frasi cun totu cussu it'e fàghere no tenzo asséliu ◊ aspetat de Deus s'asséliu eternu ◊ is bècius bolint asséliu ◊ su sero, sos fulferinos chirchendhe asséliu punnant a sa solzaga ◊ fostei no tenit assébiu, sempri in movimentu! 2. si arregordat de sa pischera in s'arriu cun s'àcua assélia e límpia ◊ su dolori no mi lassat assébia 3. tocat a dhas lassai assébiu is bagadias, e is cojadas puru! ◊ lassamí sa conca asséliu, gei dhu sciu su chi fatzu! ◊ atura asséliu! ◊ no podendu abbarrai asséliu de su prexu, si fiat imprassau a su babbu ◊ sas bamas sunt paschendhe assélias 4. cun cussu dinai depeus fai assélius in domu Etimo srd. Traduzioni Francese repos, calme, paix Inglese rest Spagnolo descanso, tranquilidad Italiano ripòso, quïète, bonàccia, tranquillità Tedesco Ruhe, Stille.

discànciu , nm: discansu, discàntziu, discantzu, discassu Definizione tempus chi si passat chentza fàere o faendho calecuna cosa fàcile, praghillosa, trebballu lébiu, chi no giaet pelea e ne pelea / a discansu, a discantzu = a dàsiu, abbellu, chentza presse e chentza matana, cun fatzilidade, itl. comodaménte Sinonimi e contrari desogu, discansada, pàsiu | ctr. cadha, pelea, stragu 1 Frasi tengu discànciu ca immoi su trabballu est prus pagu ◊ za si l'at leadu su discansu, tota die chentza fàghere nudha! ◊ sas anades fint totu in festa, in discassu ◊ bos giambet in discansu dogni atreghentu! ◊ faghet sas cosas bene, chena tropu presse ne tropu discansu ◊ sa tellora de funtana est unu grandu discantzu 2. cherent chi andhe a discassu a discassu a cadhu a s'àinu, a tempos de oe! ◊ po dhi èssi prus a discantzu su chi depiat fai, custu si ndi fiat andau de domu ◊ tue za triballas a discassu, in ufíssiu, no che deo ifatu de su bestiàmine! ◊ tropu a discassu ti la leas, tue, e de triballu no ndhe atúlias! Etimo srd. Traduzioni Francese aise, confort, repos, passe-temps Inglese comfort, rest, hobby Spagnolo descanso Italiano àgio, comodità, ripòso, passatèmpo Tedesco Ausspannung, Zeitvertreib.

pàsa 1 , nf, nm: abàsiu, pasu, pàsiu, pàusa, pàusu Definizione su istare chentza fàere, o fintzes faendho àteru, po passare s'immarritzone, su èssere o istare asseliaos, trancuillos Sinonimi e contrari arreposu, assentu, discansu, ibasu, pàsida, pausamentu / arresetu Modi di dire csn: èssere de malu pasu (nau de unu, pruscatotu pipiu) = malu a drommire, chi prangit meda, iscinitzosu; a pàusu a pàusu = a su pasa pasa, abbellabbellu Frasi no tenet felitzidade e ne pasa ◊ custa criadura est de malu pasu ◊ sas feras ant agatadu pasu in matas e majones ◊ su poboribi dh'ant lassau a pàusu 2. is caus si pesant e iscracàlliant, si cabant e si càlliant pischendi a pàusu a pàusu ◊ apo fatu totu a pàusu a pàusu Etimo ltn. pausa Traduzioni Francese calme, repos Inglese rest Spagnolo descanso Italiano quïète, ripòso Tedesco Ruhe, Stille.

pasàda , nf Definizione su pausare, su cessare de su fàere unu tanti de ora Sinonimi e contrari firmada, impasada, isposta, pasadorja | ctr. cadha, impodha, munziada Frasi sighiat a pasadas, a colpos frimmos, tessindhe in su telarzu Etimo srd. Traduzioni Francese repos Inglese rest Spagnolo descanso Italiano riposata Tedesco Rast, Ruhe.

tasída , nf Definizione su tasire Sinonimi e contrari firmada, pasada Etimo srd. Traduzioni Francese arrêt, pause Inglese break Spagnolo alto, descanso Italiano sòsta, interruzióne, sospensióne Tedesco Unterbrechung.

«« Cerca di nuovo