aspròne , nm: isprone*, sproni Definizione genia de orrodighedha totu a puntas, posta in d-unu ferru arcau intrau in su cracàngiu, po púnghere a costas de s’animale po dhu fàere andhare, candho si cicit a cuadhu; orrugu o tretu de muru fatu a istúturu cun àteru a parte de fora po dhi giare prus fortza de costau; agt. puru? / minestr'e isprone = zenia de minestredha de brou a zisa de un'isprone minudu Sinonimi e contrari contrammuru, limboro Frasi a su cabadhu fíchili s'asprone e bola! ◊ a s'achicada de sos asprones, sos cadhos sunt tucados isuliendhe prúere 3. est una de sas famíllias prus asprones de sa bidha Cognomi e Proverbi smb: Asproni Traduzioni Francese éperon Inglese spur Spagnolo espuela, contrafuerte Italiano speróne, contraffòrte Tedesco Sporn, Strebemauer.

ispronài, ispronàre , vrb: spronai Definizione púnghere o cracare a isprones Sinonimi e contrari aspronare, ispronizare Frasi andhaiat ispronendhe su cadhu a su portante Etimo itl. Traduzioni Francese éperonner Inglese to spur Spagnolo espolear Italiano spronare Tedesco anspornen.

ispròne , nm: asprone, isproni, sproni Definizione genia de orrosinita (rodedhu) totu a puntas (a bisura de istella), posta in d-unu ferru arcau chi s'intrat in su carrone de chie cicit a cuadhu po púnghere s’animale a fiancos po dhu fàere camminare; genia de punta de calecuna cosa chi essit prus in fora, contonadas de orruga; contrammuru / èssere a isprones postos = detzisu própiu (a fàghere ccn. cosa) Frasi setzit a cadhu, punghet de isprone e ch'essit deretu ◊ Sardos, a costas bos pungo s'isprone ca sezis viles si bos olvidades de su nostru terríbbile dolore (A.Casula) 2. che seo andhadu a isprones postos e ndhe seo torradu a origas caladas! Cognomi e Proverbi prb: àinu chi cheret isprone no balanzat palu Etimo itl. Traduzioni Francese éperon Inglese spur Spagnolo espuela Italiano spróne Tedesco Sporn.

ispuntzonàre , vrb: spuncionai Definizione agiummai comente e púnghere a puncione, nàrrere o fàere cosa po portare a unu a fàere ccn. cosa, fintzes ofendhendhodhu; fàere in puncione, cumenciare a istacare calecuna filera de granu de su moriscu Sinonimi e contrari impunciai, impuntzonare, insissiligai, intzidiare, ispuntogliare, ispuntziare, ispuntzigonare, punciurrare, puntorjare, tzuntzullare Frasi sas pudhas prus las ispuntzonabamus e prus s’istichiant e abarrabant firmas 2. isprunindhe su trigumoriscu faghiant tres muntones: unu de trigumoriscu ínnidu de isprunire, unu de corros ispuntzonados e s'àteru de corros isprunidos Etimo srd. Traduzioni Francese taquiner, encourager Inglese to spur, to sting, to prod, to tease Spagnolo picar Italiano punzecchiare, spronare Tedesco sticheln, anspornen.

sucài , vrb Definizione tzucare, essire a logu, cumenciare, fàere mòvere o naschire unu sentidu, unu dolore, cumenciare a dòlere torra, tocare su coro; trubbare, fàere andhare, pònnere presse a un'animale camminandho Sinonimi e contrari alliare, incidai / trubare Frasi s’àcua frira m’at sucau su dolor’e denti ◊ est suchendimí sa conca: bai e cica poita mi benit custu dolori! ◊ non bollu unu contu chi mi suchit su prantu! (V.Pisanu)◊ faci a sa una e mesu de noti mi sucat custu dolori… mi ndi at iscirau! ◊ pensendudhoi, nosi sucat s'errisigedhu!◊ ancu si suchit unu bentu chi nd'isciuscit fentanas e ferradas! 2. suca su molenti! ◊ su carretoneri sucat su cuadhu e tzacat su fuetu Etimo srd. Traduzioni Francese susciter Inglese to provoke, to spur Spagnolo suscitar, estimular Italiano suscitare, stimolare Tedesco hervorrufen, anregen.

trubàre , vrb: trubbare, truvare, turbare, turvare Definizione fàere andhare, apretare po andhare (nau pruschetotu po is animales, ma fintzes po gente pigada coment’e animales, chentza arrispetu); portare su bestiàmene de una pastura a s'àtera; fàere essire a pígiu sa fera in cassa, fintzes su pische po piscare, istesiare, fàere istesiare, fintzes solu andhare; prnl. afracai, su si betare cun fortza contra a ccn. a iscúdere, mossigare, atumbare, incorrare o fàere àteru de male; nau in cobertantza de s'ómine, de su mascu, cobèrrere; fintzes nàrrere o atuare una cosa a unu candho no dha faet po su pagu interessamentu Sinonimi e contrari sucai, tzitziare / atramudai / afarcai, agghegiare, assurpire, azachinare, crazugai, tzurricare / zúchere Frasi pastores, truvade sas berveghes! ◊ sos canes si sunt betados a sa tupa pro trubbare sa fera ◊ commo no turbas prus sos pecos dae Costera ◊ trubba s'àinu, fàghelu andhare impresse! ◊ turvaiat sos voes cun d-unu frúschiu chi ischiat isse ◊ su ventàriu aiat sichitu a turvare e a molinare sas framas 2. o luna maca, a ube ses turbandhe?! ◊ trubba a dainanti: bae, no istes ispetendhe! ◊ trubbachelu su bestiàmine, no mi che collat s'olia! 3. si li est trubbadu su trau e si no si fit fatu a bonu a si partare l'aiat mortu! ◊ ajó, ista masedu, cantu ti truvas daghi ti faedho! ◊ si mi est trubbadu a m'iscúdere, ma candho at bidu sa lepa at furriadu! Etimo ltn. turbare Traduzioni Francese pousser, conduire en avant Inglese to spur, to conduct Spagnolo aguijonear, ojear la caza Italiano stimolare, far andare, condurre avanti Tedesco antreiben, anstacheln.

«« Cerca di nuovo