Legenda Abbreviazioni | Legenda Simboli

afrènta , nf Definizione genia de ofesa, fintzes disgràtzia, dannu, bisóngiu Sinonimi e contrari afrontu, aggràbiu, aggrau, alloloju, innóriu, inzenza Frasi sento s'afrenta piús de su dannu ◊ cantas penosas afrentas in sa vida! ◊ ndh'at agguantadu e paradu de peleas e afrentas, cussa cristiana!…◊ s’onorèvuli Rosàriu nci at calau is afrentas de s’aversàriu (F.Carlini) 2. no ti la les a crispa pro sas afrentas! ◊ petzi nos bidimus a sas afrentas Etimo spn. Traduzioni Francese affront Inglese outrage Spagnolo afrenta Italiano affrónto Tedesco Schimpf.

afrentài , vrb Definizione ofèndhere tocandho s'onore, tocandho su bonu númene de s'àteru Sinonimi e contrari abbituperare, aciociai, aggravae, arrochizare, desdorai, disprejare, ilzenzare, innorare, ispresciare, ofèndhere Frasi seus totus abbambiaus a faci de custu mundu traíxiu e afrentau Etimo spn. afrentar Traduzioni Francese outrager Inglese to outrage Spagnolo afrentar Italiano oltraggiare Tedesco beleidigen.

aggraviài, aggraviàre , vrb Definizione nàrrere o fàere prus de su chi si depet, cosas chi no funt, acusandho, ofendhendho, po ofèndhere / aggraviare in sas possessiones = fàghere dannu a unu possessu Sinonimi e contrari abbituperare, aciociai, afrentai, arrochizare, desdorai, disprejare, ilzenzare, ingraviare, innorare, ispresciare, ofèndhere, taschilare Frasi est a Bosu chi apu aggraviau cun is pecaus mius! ◊ si acasu in su cantare apo faltadu no si tenzat nisciunu aggraviadu (F.A.Mannu)◊ si no poto cojuvare cun tegus no mi ndhe impudo: tue l'as fatu pro mi aggraviare, ma a mene mi est serviu de favore ◊ tue pentzas chi mi as aggraviau, ma mi est serviu de cumbeniéntzia! ◊ suta de sa rughe tantas vias est rutu aggraviadu de su male anzenu Etimo spn. Traduzioni Francese outrager, injurier Inglese to insult, to outrage Spagnolo agraviar Italiano oltraggiare, ingiuriare Tedesco beleidigen.

irvapiàre , vrb: isvapiare Definizione pigare a foedhos malos, nàrrere cosas chi no funt, giare una briga Sinonimi e contrari apilucare, briare, certai, irbrunchiare, irmurrare Frasi no bi at bisonzu de l'irvapiare, ca mi servit cun su pessamentu! (G.Ruju)◊ est amore chi dadu ti at sa vida chi tue isvàpias cun s'istichida ◊ innanti de apuntzare o de irvapiare sa zente, lea s'abba dai sa vena! Traduzioni Francese reprocher, outrager Inglese to outrage, to reprove Spagnolo reprender, injuriar Italiano rimproverare, oltraggiare Tedesco vorwerfen, beschimpfen.

«« Cerca di nuovo