Ditzionàriu in línia
de sa limba e de sa cultura sarda

agróniu , nm: agrúmiu, agrúniu Definizione sa boghe de is pegos de bulu Sinonimi e contrari múghilu Frasi e búmbitus e agrónius e iscràmmius e isciarrocus e súrbius e borrocus e currúghinus e cónius ◊ s'agrúmiu dhu fait su bòi Terminologia scientifica bga Etimo srd. Traduzioni Francese mugissement Inglese moo Spagnolo mugido Italiano muggito Tedesco Muhen.

borràda , nf Definizione su corrighinare, su corrighinu de is boes Sinonimi e contrari borrochinada, bórrida Terminologia scientifica bga Etimo srd. Traduzioni Francese mugissement Inglese moo Spagnolo mugido Italiano muggito Tedesco Muhen.

borrighinàre , vrb: borrochinare, burruxinari Definizione istare a corrighinos, a borróilos, nau prus che àteru de bestiàmene bulu / ite ses borrochinandhe?! = ita tenis a tzérrius?! Sinonimi e contrari abborriare, ammuilare, barroinae, borrare, borridare, corrighinare, corrinai, muniae Frasi is mallorus funt burruxinendi Etimo srd. Traduzioni Francese mugir Inglese to moo Spagnolo mugir Italiano muggire Tedesco muhen.

corrinài , vrb: currinai, currinari Definizione betare unu corrinu, corrighinos (su tzerriare de is boes), istare o èssere a corrighinos: si narat de animales e de gente puru Sinonimi e contrari abborriare, barroinae, borrare, borrighinare, corraxinai, irronchiare, corruxinai, mughilare 2. si est fuiu corrinendi che unu malloru Terminologia scientifica bga Etimo srd. Traduzioni Francese mugir Inglese to moo Spagnolo mugir Italiano muggire Tedesco muhen.

corrínu , nm Definizione su tzerriare pruschetotu de is boes / prangi a corrinus = a boghes, a órrios, a corriolos; iscapai c. = lassare andhare un'órriu; corrinus de trumbita = sonos (de bandhidore) fatos a trumba Sinonimi e contrari bórriu, corrinamentu, corrúxinu, múghilu, muilada, órriu, orrúinu Terminologia scientifica bga Etimo srd. Traduzioni Francese mugissement Inglese moo Spagnolo mugido Italiano muggito Tedesco Muhen.

corróchinu , nm: corrónchinu, corróghinu Definizione boghe o tzérriu de animale, de gente, de bentu forte / prànghere a c. = a boghes, a tzérrius Sinonimi e contrari corrinu, múghilu, órriu / boche, intzérriu, irgargu 2. arguai si sa mama no li colliat una frichinia de ite sisiat, ca ispapatabat su bichinau a corróchinos ◊ istronat in sas rocas de granitu su corróghinu mannu de terrore ◊ candho si est segherau de su chi bi fit sutzessu at cumintzau a corrónchinos ◊ cadhos de abba istant a múghidas e a corrónchinos in notes de pore 3. su bentu est a corróchinos che trabu ispojoladu e a órulos, in precas e in trocos Terminologia scientifica bga Etimo srd. Traduzioni Francese braiment, mugissement, hurlement Inglese bray, moo, shout Spagnolo rebuzno, mugido, grito Italiano ràglio, muggito, urlo Tedesco Iahen, Muhen, Schrei.