Ditzionàriu in línia
de sa limba e de sa cultura sarda

apéllu , nm Definizione prus che àteru, su tzerriare is personas naendho su númene ligindhodhu in d-una lista; genia de ricussu chi si faet a unu tribbunale prus artu contr'a sa senténtzia de unu dibbatimentu; su apellare, su pedire agiudu, invocare santos Sinonimi e contrari ciamada 2. no bi at apellu in custa senténtzia Etimo itl. Traduzioni Francese appel Inglese roll call Spagnolo llamamiento, lista, apelación Italiano appèllo Tedesco Aufruf.

atzerriài , vrb: cerriai, sirriai, tzerriai* Definizione betare tzérrios, boghes, prànghere a boghes, pigare a boghes; nàrrere a boghe arta su númene de ccn. po chi bèngiat, o po bíere si dhu’est Sinonimi e contrari abberriare, abbochinare, giuilare, insirriai, iscramorai / ciamare, lamai, muntire, tichirriare | ctr. cagliare, citire Frasi in cussa domu funt totus a una pedhi, istérrius in su letu: no s'intendit atru che atzerriendu! 2. is animalis funt morendi acoment'e nosu cristianus, si aici si poreus atzerriai ◊ toca, bai e atzérria a babbu tuu, chi bengat! ◊ no portu prus súliru mancus po atzerriai Traduzioni Francese crier, appeler Inglese to shout, to call Spagnolo gritar, llamar a voces Italiano gridare, chiamare Tedesco rufen.

cerriài, cerriàre , vrb: atzerriai, cirriare, sirriai, tzerriai* Definizione betare tzérrios, boghes, betare boghe naendho su númene de unu / cerriai a ccn. si… = cramare a ccn. a bídere si… Sinonimi e contrari abbochinare, giuilare, insirriai, iscramorai / ciamare, muntire, tichirriare | ctr. cagliai, citire Frasi porcu grassu apo in domo ma no círriat como: canno est a pacare si daet a cirriare ◊ toca, cérria a babbu tú si est prontu! ◊ si est postu a cerriare nanno: E ite c'intraus noso cun tue?! Traduzioni Francese crier, appeler Inglese to shout, to call Spagnolo llamar, gritar Italiano gridare, chiamare Tedesco schreien, rufen.

ciamàda , nf: cramada, giamada Definizione boghe po tzerriare, su tzerriare naendho su númene de ccn. chi si bolet Sinonimi e contrari ciamu, clàmida, giàmida, giuilada, làmidu, mutia, mutinzu Etimo srd. Traduzioni Francese appel Inglese call Spagnolo llamada Italiano chiamata Tedesco Ruf.

ciamàre , vrb: cramai, cramare, cramiai, giamare Definizione pònnere sa boghe, betare boghe naendho su númene de ccn. po chi bèngiat, get atentzione o atendhat a calecuna cosa; giare o pònnere unu númene a unu o a calecuna cosa; betare o pònnere boghes a lamentu in crica de agiudu o fintzes contra a ccn. coment'e maleighendho; mandhare a nàrrere calecuna cosa de fàere a ischire / pàrriri cramendi giustítzia = èssere a boghes, iscramendhe, pedindhe Sinonimi e contrari abboigare, atzerriai, betogare, giubilare, lamai, muntire, tzerriai / pedie, invocai Frasi candho colas in carrela cràmami ◊ no lu crames ca no che at bisonzu de isse puru ◊ a isse lu cramant a totue ca est àbbile meda ◊ cramade a mastru Antoni! 2. sos istudiosos ant ciamadu "scarto semantico" sa mancàntzia de ligàmene tra s'istérria e sa torrada de sos mutos 3. dhu cramu cantus grammus de petza portat asuba, ca est portendumí a su puntu de mi fai cundennai! Etimo ltn. clamare Traduzioni Francese appeler Inglese to call Spagnolo llamar Italiano chiamare Tedesco rufen.

ciuàre , vrb: (ci-u-a-re?) Definizione cantare, nau de sa tzonca Frasi cíuat sa tonca, créculat sa rana, ischémiat su biju, grígliat su grígliu Terminologia scientifica bga Traduzioni Francese cri du petit duc Inglese horned owl call Spagnolo el grito del autillo Italiano il vèrso dell'assiuòlo Tedesco Gesang der Zwergohreule.

contrapéllu , nm Definizione àtera tzerriada de is númenes de una lista po averguare si sa prima fut fata bene Traduzioni Francese contre-appel Inglese second roll call Spagnolo convocatoria Italiano contrappèllo Tedesco zweiter Appell.

giuilàre , vrb: giulare, giuliare, giuriare, giuvilare, zubilare Definizione betare tzérrios (po dolore, cricandho a ccn.), pigare a boghes po briga; tzerriare po fàere bènnere Sinonimi e contrari abbochinare, atzerriai, iscramare, iscramorare / ciamare, lamai, muntire Frasi a nois nos giúriat sèmpere ◊ ant sighidu a giulare a boghes mannas ◊ giuilesit, siscura, primma de ispirare ◊ la chirco, la giúilo e no l'agato ◊ a boghes l'apo giuiladu 2. lu giuilesint e recuieit luego ◊ no ti apo giuliadu pro nudha: est ca so gherrendhe cun sa morte! ◊ est giuilendhe a sa morte: Beni, acàbbami de bochire! Etimo ltn. iubilare Traduzioni Francese crier, appeler, gronder Inglese to shout, to call, to scold Spagnolo gritar, llamar, reprochar Italiano gridare, chiamare, sgridare Tedesco schreien, rufen, schimpfen.

muntíre , vrb: mutire 1, mutiri Definizione cramare, tzerriare a unu, foedhare naendho su númene de unu po dhu fàere bènnere, po chi ascurtet o fatzat atentzione; nàrrere, bogare foedhu; a logos, fintzes torrare àlidu Sinonimi e contrari atzerriai, ciamare, lamai / faedhare, nàrrere / muscire / alenare | ctr. cagliare, citire Frasi bae e mútila! ◊ est dae tandho chi ti so mutindhe e no mi rispondhes! ◊ cantos ndh'as bistu chen'isperu mutindhe a disisperu unu suncurru! ◊ muteimidhu su dotori! ◊ sa campanedha mutit po sa minsa de mangianu o sa funsione de merie 2. istabat chentza mutire peràula cun sos de domo ◊ candho liu apo nau, issos che sunt falaos che dae s'àghera, no mutiant, ma apustis si ndhe sunt cuntentaos ◊ unu tempus su mortu lu tutabant in terra e nemos mutiat nudha ◊ no at mutiu mancu isperu Etimo ltn. muttire Traduzioni Francese appeler Inglese to call Spagnolo llamar Italiano chiamare Tedesco rufen.

tiràgiu , nm: tirazu Definizione sa leva noa, sa festa de is de sa leva, sa tzerriada po fàere su servítziu militare Sinonimi e contrari leva, levada Frasi mi ant avisau de andhare a su tirazu ◊ pro su tiràgiu andho a Núoro Etimo itl. tiraggio Traduzioni Francese passer le conseil de révision Inglese medical examination for call up Spagnolo quinta, fiesta de los quintos Italiano vìsita di lèva Tedesco Musterung.