aciannitài , vrb: agiannitai, arxanitai, assannitai, axannitae, axinitai, azanitare, azannidare, azannitai, azannitare, giannitai Definizione su apedhare de is canes candho pesant sa fera, s'apédhida a tzichírriu chi faent is canes tzerriandho su mere ca no arrennescent a sighire e aciapare su sirbone o àteru animale, prus che àteru si est piticu, o fintzes po dhu sinnalare; nau de gente, su si allegrare meda de calecuna cosa Sinonimi e contrari gannitare, giannire, tzannidare Frasi su cane fuit azannidandhe unu cunillu ◊ is canis funt arxanitendi, si bit ca ant agatau sa fera! 2. abarrant a ingíriu de su foghidoni, papendu e bufendu, agiannitendi comenti faint is margianis Terminologia scientifica bga Etimo srd. Traduzioni Francese aboyer Inglese to bark Spagnolo ladrar Italiano scagnare Tedesco anschlagen.

aciaulài , vrb: atzabai, atzaulai, atzulai, ciaulai, saulai, tzabai Definizione apedhare, comente faent is canes; nau in cobertantza, istare naendho, abboghinandho, a murrúngiu cun ccn. Sinonimi e contrari alloroscare, apedhae, atocare, baulai, imbauai, inciauai Frasi ant atzabau is canis candu nci seus essius ◊ cani chi aciàulat no móssiat ◊ su cani nostu atzabat a is istràngius ◊ candu s'est presentau cudh'istràngiu is canis no ant atzulau comenti atzulànt a is àterus Etimo srd. Traduzioni Francese aboyer Inglese to bark Spagnolo ladrar, aullar Italiano abbaiare Tedesco bellen.

alloroscàre , vrb Definizione apedhare meda, aira, cun arrennegu; abboghinare, pigare a boghes cun arrennegu, èssere arrennegau Sinonimi e contrari achibberare, inchibberare, inchimerai, picai 3 / allororoscare, apedhae, atocare, aciaulai, baulai, imbauai, inciauai Etimo srd. Traduzioni Francese aboyer rageusement, piquer Inglese to bark furiously, to offend Spagnolo ladrar con rabia, estar mosqueado Italiano abbaiare rabbiosaménte, impermalire Tedesco wütend bellen, aufreizen.

apèdha , nf, nm: apedhu Definizione sa boghe comente dha faet su cane / min. apedhutzu Sinonimi e contrari apedhaja, apedhamentu, apédhigu, atóchida, bàulu, tzàulu Frasi dae sa tanca si pesat atzudu s'apedhu de sos catedhos ◊ a múlios, a surbúschios, a tzàrridos, a órrios, a mílios, a apedhos, a pílios curriant sas béstias a sos frúschios (A.G. Solinas)◊ s'intendhet s'apedhu de sos canes Cognomi e Proverbi smb: Apeddu, Appeddu Terminologia scientifica bga Etimo srd. Traduzioni Francese aboiement Inglese bark Spagnolo ladrido Italiano abbàio Tedesco Bellen.

apedhàe, apedhài , vrb: apedhare, apedhiai 1 Definizione su tzerriare chi faent is canes candho intendhent ccn. cosa; nau in cobertantza, abbarrare aifatu de ccn. narandhodhi cosa Sinonimi e contrari alloroscare, atocare, aciaulai, baulai, imbauai, inciauai Frasi sos canes fint apedhandhe a s'ebba ◊ cussos canes istant tota note apedhendhe ◊ comente at intesu ischimuzu, sa cane at apedhadu ◊ vi at abberu ómines chi sos canes no bi los apedhant ◊ apo inténdhiu is canes apedhando 2. si no li apedhas, cussu no ti ndhe faghet de nudha! Etimo ltn. appellare Traduzioni Francese aboyer Inglese to bark Spagnolo ladrar Italiano abbaiare Tedesco bellen.

apédhida, apédhidu , nf, nm Definizione su apedhare de is canes Sinonimi e contrari apedha, apédhigu, atocu, bàulu, inciau, tzàulu Frasi no si at intesu nudha, ne túdhiu e ne apédhida peruna: sos canes fint che paralizados ◊ dae s'apédhida si cumprendhet si su cane at intesu tzocu de zente o de àteru Terminologia scientifica bga Etimo srd. Traduzioni Francese aboiement Inglese bark Spagnolo ladrido Italiano latrato Tedesco Gekeife.

arrulliài , vrb Definizione fàere s'arrúlliu, istare a gúgulos Sinonimi e contrari agruguai, agruinai, agrumiai, agulluriai, borulare, gurruliai, orulare Traduzioni Francese aboyer, hurler Inglese to bark, to howl Spagnolo aullar Italiano latrare, ululare Tedesco kläffen, heulen.

atocài, atocàre , vrb Definizione su guguliare chi faent is canes, is gugúlios chi faent candho intendhent atesu àteros canes guguliandho o apedhandho; fàere atocu, atóchida; abboghinare che is canes, giare atocu, nàrrere cosa a ccn. fintzes a briga, a boghes; giare ifadu Sinonimi e contrari alloroscare, apedhae, arrulliai, aciaulai, baulai, imbauai, inciauai 2. candho fit massajada, sa Sardigna produiat meda: como l'atocant "Sardigna brujada" Etimo srd. Traduzioni Francese aboyer Inglese to bark Spagnolo ladrar, aullar Italiano latrare Tedesco kläffen.

bardòne , nm: bedrone, beldone, berdone, berdoni Definizione ortigu mascu, su primu pígiu de su corgiolu de is suèrgios, su chi si ndhe leat sa primu borta in su tretu de su truncu inue sa mata depet fàere su ortigu: a parte de foras si tzacat cantu prus ingrussat, est bidrànciu ca, tenendho is matessi annos de sa mata in sa parte ue no si ndhe bogat, dhu'est créschia sa lanedha birde Sinonimi e contrari gardone*, túvulu Terminologia scientifica rbr Traduzioni Francese écorce du chêne-liège, liège mâle Inglese cork-tree bark Spagnolo corcho bornizo Italiano sugheróne Tedesco männlicher Kork.

colzòla , nf: corjola, corzola Definizione su corgiolu a parte de fora de is matas in su truncu e is naes; su corgiolu de su porcu, de su ghimisone Sinonimi e contrari iscortza, ispuligadura, pidhoncu, pigiolu, scroxu Frasi s'àlvure mia già no est pitzinna e giughet russa e tosta sa colzola ◊ a sas àrbures no lis cheret tocada sa corzola, ca lis faghet male ◊ s'istica, innestendhe, si ponet in s'isperradura de sa corzola 2. corjola o corjoledha de su lardu Terminologia scientifica rbr Etimo srd. Traduzioni Francese écorce Inglese bark Spagnolo corteza Italiano cortéccia Tedesco Rinde.

gardòne , nm: gherdone Definizione su primu pígiu de corgiolu chi faet su suérgiu, totu tzacau Sinonimi e contrari bardone, túvulu Frasi carrandhe cotzichina chin gherdone sa pitzinnia mi ndh’apo colau ◊ canno fipo unu funnu de ostricu, comente mi aggradaiat a èssere vestitu de gherdone! Cognomi e Proverbi smb: Gardone Terminologia scientifica rbr Traduzioni Francese écorce du chêne-liège, liège mâle Inglese cork-tree bark Spagnolo corcho bornizo Italiano sugheróne Tedesco männlicher Kork.

giannitài, giannitàre , vrb: aciannitai*, zanitare Definizione s'apedhare de su cane currendho su sirbone o àteros animales mannos Sinonimi e contrari gannitare, giannire Frasi canes giannitant fatu a fera e in s'adhe s'intendhet calchi tiru ◊ solu sos canes ndhe lesint s'annotu ma giannitendhe si fuesint totu Terminologia scientifica bga Traduzioni Francese aboyer Inglese to bark Spagnolo ladrar de los perros a sus dueños al no alcanzar la caza Italiano scagnare Tedesco anschlagen.

ibbeldonàre , vrb: irberdonare, irgherdonare, isardonare, isberdonare Definizione bogare su berdone a sa mata de su suérgiu in su truncu po pòdere fàere su ortigu, o fintzes a sa linna segada po su fogu po no fàere tzintziedhu Sinonimi e contrari ispedonare, istuvulare Frasi custu est unu suélgiu sentza ibbeldonare Etimo srd. Traduzioni Francese décortiquer, démascler Inglese to bark Spagnolo descortezar Italiano decorticare Tedesco entrinden.

inciàu , nm: issàulu, intzàulu Definizione sa boghe de su cane Sinonimi e contrari apédhida, apedhu, itzàbiu, tzàulu* Frasi cani chi inciàuat no mússiat: ispereus chi siant isceti inciaus! ◊ a s'intzàulu de su cani, su messaju si nd'iscudiat de su letu e pigàt s'iscupeta Terminologia scientifica bga Traduzioni Francese aboiement Inglese bark Spagnolo ladrido Italiano latrato Tedesco Gekeife.

inciauài, inciaulài , vrb: insaulai, intzaulai, issaulai, itzabai, itzaulai Definizione su abboghinare de is canes, fintzes po dolore, iscrammentaos, iscutos Sinonimi e contrari alloroscare, apedhae, atocare, aciaulai, baulai, imbauai Frasi cani chi inciàuat no mússiat ◊ cussu est cani chi itzàulat ma no móssiat ◊ su piciochedhu atacat a intzaulai pariat unu cani de càstiu ◊ dhu pigant e dh'acollant a itzabai coment'e canis 2. su cani dh'ant iscutu e s'est fuiu intzaulendi Etimo srd. Traduzioni Francese aboyer Inglese to bark Spagnolo ladrar Italiano abbaiare Tedesco bellen.

iscòrtza , nf: iscòrgia, iscorza, iscrotza, scòrcia Definizione sa parte de fora de is frutos, ma fintzes de s'ou, de su tzintzigorru; su pígiu grussu de is matas a parte de fora, fintzes cussu chi abbarrat a su truncu de su suérgiu apustis bogau su ortigu e chi torrandho a crèschere faet su ortigu nou / sacu de iscrotza = balleta russa? Sinonimi e contrari còglia, colzola, ispuligadura, pidhoncu, pigiolu, scroxu Frasi s'iscorza de sa nughe ◊ custa borta, a bois, de sa fae s'iscorza!… 2. sas féminas azudabant sos ómines a bocare s'iscrotza e a fàchere carbone 3. su magasinu lu teniat prenu de cada bene: l'arribbaiat totu in sacos de iscrotza e in cassetas de linna ◊ s'impicadu pendhendhe pariat unu sacu de iscrotza prenu de paza caente Terminologia scientifica rbr Etimo itl. Traduzioni Francese écorce Inglese bark Spagnolo cáscara, felogeno, capa madre Italiano scòrza, fellògeno Tedesco Rinde, Phellogen.

iscortzínu , nm: iscossinu Definizione chie faet linna, chie che bogat su ortigu a is suèrgios Sinonimi e contrari bogadore, linnagiolu / cdh. scussinu Etimo itl. scortichino Traduzioni Francese qui décortique, qui écorche Inglese to bark Spagnolo descorchador Italiano scortecciatóre Tedesco Schäler.

orruscài, orruscàre , vrb: arroscai* Definizione bogare o arrasigare s'orrusca a is truncos Sinonimi e contrari ilruscare, iscorgiolare Traduzioni Francese écorcer Inglese to bark Spagnolo descortezar Italiano scortecciare Tedesco entrinden.

«« Cerca di nuovo