isciarrócu , nm: isciorrocu, isorrocu 1, sciarrocu Definizione su isciarrocai, idorrocare, betare o orrúere totu de mala manera; mescamente sa moida manna o fragassu chi faet sa cosa idorrocandho Sinonimi e contrari destrossa / ttrs. isciarada / isolocu 2. s'intendit isciarrocu in crésia: depint èssi movendi bancus ◊ sa brochera fait isciarrocu meda, trabballendi Etimo srd. Traduzioni Francese écroulement, fracas Inglese collapse, din Spagnolo derrumbamiento, estruendo Italiano cròllo, fragóre, schianto Tedesco Einsturz, Krach.

iscontzadúra , nf Definizione su isconciare, su isciusciare Sinonimi e contrari irfaghidura, sciusciada, sciúsciu, sfaimentu Etimo srd. Traduzioni Francese écroulement Inglese destruction Spagnolo destrucción Italiano disfaciménto Tedesco Zersetzung.

ràza 1 , nf Definizione su chi abbarrat de un'orroca chi cun su tempus che calat a crantos, is orrugos de sa pedra orruta de is orrocas / pedra lada Sinonimi e contrari pendéntili, tèrema / pradera, pràdica, pràica, tèglia Frasi sa pedra, trodhulendhe dae sa raza, est andhada a fèrrere finas a su riu ◊ ite bellas sas razas de su monte ch'illuminais maestosamente! (A.Paba)◊ che l'ant giutu fintzas a sa raza de su monte pro che lu betare dae sa roca Terminologia scientifica slg Traduzioni Francese écroulement, escarpement Inglese sheer drop Spagnolo derrumbamiento Italiano scoscendiménto Tedesco Absturz.

rúta , nf: arruta, irruta Definizione su orrúere, su calare a terra a cropu de cosa istrantagiada o posta in artu, fintzes su fàere male po no tènnere sa fortza o coràgiu de si ndh'istare, de padire, agguantare Sinonimi e contrari arratroxa, istrampada Modi di dire csn: àerendhe sa ruta ei su tzurumbone, sa r. e sa trajinada = su dannu e su zúdigu, su dannu e sa befe, unu male subra de s'àteru; ruta de cadhu, de àinu = ruta, istrampada dae cadhu, dae subra s'àinu Frasi onzi passu una ruta e onzi ruta un'órchidu ◊ a sa ruta at fertu su bruncu ◊ in su paris l'assurtit una ruta e si truncat una cossa ◊ ruta e recaida 2. est mortu dae una ruta de cadhu Etimo srd. Traduzioni Francese chute, écroulement Inglese collapse Spagnolo caída, derrumbamiento Italiano caduta, cròllo Tedesco Fall, Sturz.

sciarrocàda , nf: isciarrocada*, sciorrocada Definizione su isciorrocai, distrúere totu, orrúere, betare o calare a terra de mala manera, pentzau mescamente coment'e movimentu; surra de cropos; tzàcurru mannu (es. de tronu) Sinonimi e contrari ilbarriada, irzarriada Frasi chi mi torras a atacai candu seu in prucissioni ti giau una sciorrocada de gruxi a conca! ◊ custu merí de ierru stramudiu calat cun sciorrocadas de àcua ◊ chi no nci andais si giau una sciarrocada de fusti! ◊ ch'istentat ancora dhi giau una sciarrocada de ferru de prenciai! 2. at fatu una sciarrocada de arrisu Traduzioni Francese effondrement, écroulement Inglese discharge Spagnolo derrumbamiento, descarga Italiano scàrica Tedesco Entladung, Hagel.

sciarrócu , nm: isciarrocu, sciorrocu Definizione su isciarrocai, betare a terra, nau de cosas mannas (domo, muru), o orrúere totu de mala manera, mescamente sa moida manna o tzàcurru chi si faet betandho a terra cosas deasi o iscopiandho calecuna cosa (es. mina); cosa sciorrocada, su chi abbarrat de un'òpera distruta / pròiri a sciorrocu = a strossa, de bírridu Sinonimi e contrari destrossa, isdobbiada, isolocu, sderrocu / smuroni / arruinali Frasi a comporai cussa cosa fait sciorrocu in su portafógliu! 2. sa temporada nd'est arribbada a sciorrocu ◊ no dhus intendis prus a cida santa is sciorrocus in crésia ◊ s'intendit sciorrocu de màchina ◊ su sciorrocu de unu tronu at incuriosiu su pipiu ◊ acant'a sa spéndula s'intendit su sciorrocu de s'àcua ◊ si est inténdiu su sciarrocu de sa mina 3. is domus bècias funt unu sciorrocu (G.Mura) Traduzioni Francese écroulement, fracas Inglese downfall, loud noise Spagnolo derrumbamiento, fragor Italiano cròllo, fragóre Tedesco Einsturz, Knall.

sciusciàda , nf: issussiada* Definizione su sciusciai, ma fintzes orruta mala a cropu, iscutulada / s. de àcua = bírridu Sinonimi e contrari irfaghidura, isfata, sfaimentu / arratroxa / abbísciu, issussionzu, tregonada Frasi su pirígulu de divisioni fut cumentzau apustis de sa sciusciada de su muru de Berlinu ◊ mi nc'est iscapau s'arrisu puru candu apu biu a Licu fadendu cussa sciusciada! Traduzioni Francese écroulement, averse Inglese undoing, downpour Spagnolo derribo, revés Italiano disfaciménto, rovescióne Tedesco Zerstörung, Regenschauer.

sderrócu , nm: irdorrocu*, sdorrocu Definizione su ndhe orrúere o betare calecuna cosa, meda, a cropu coment'e isconciandho e distruendho totu; s'efetu de su sdorrocai, sa moida manna, su tzàcurru o fragassu chi faet Sinonimi e contrari arruinu, derruta, desacatu, sderrota, sderruimentu / isciarrocu, mamudinu, sciumbullu, sculumerdu, stragambullu, torrocaxa, torrocu Frasi apu inténdiu su sdorrocu de comenti est arrutu in s'aposentu de letu: at móviu fintzas su letu e si at fatu un frincu in conca! Traduzioni Francese écroulement, grondement Inglese ruin, rumble Spagnolo derribo, fragor Italiano rovina, boato Tedesco Einsturz, Getöse.

«« Cerca di nuovo