bàdhe , nf: badhi, vadhe Definizione in sa Terra, logu largu chi faet a fossu longu in mesu de duos montes o de duas serras, de duas costeras / a badhe giumpada = dae atesu, de illargu Sinonimi e contrari arroa, bacu, bega, fundabi Frasi ue su logu faghet a badhe si bi collit abba, bi falat carchi riu ◊ su trainu in badhes serradas e revessas cun cursu a remollinu si che insacat (Piras)◊ de badhes profumadas fit rica sa Sardigna (Sulis)◊ in sas badhes si bi agatat terra russa 2. sa note vi aviat unu ciaru de luna chi podio contare sas verveches a badhe giumpada Cognomi e Proverbi smb: (Addis), (De)addis, Badde, Baddi Terminologia scientifica slg Etimo ltn. valle(m) Traduzioni Francese vallée Inglese valley Spagnolo valle Italiano valle, vallata Tedesco Tal.

badhícru , nm: badhígiu, badhigru, badhiju, badhiscru, badhixu, vadhiscru Definizione badhe pitica, canale intremesu de duos cúcuros, badhe mala, prena de malesa / min. badhigrotu Sinonimi e contrari bega Frasi a su bentu forte sos ílighes in sos badhígios si fritint che canna ◊ in sos badhigros, si su bentu no falat incanaladu, bi daet bàrigu ◊ parent trocos de làcrimas sicas, badhiscros chi tragant sonnos mórturos (L.Loi) Terminologia scientifica slg Etimo ltn. *vallic(u)lu Traduzioni Francese petite vallée Inglese little dale Spagnolo cañada Italiano vallétta Tedesco Tälchen.

fundàbi , nm: fundali, fundhale, funnale Definizione su tretu de fundhu (mescamente su tretu prus bàsciu in su truncu de matas mannas, fintzes de domos), su tretu prus atesu (fintzes de unu possessu, su tretu a s'àtera bandha de s'intrada), sa parte prus in fundhu de su mare, de unu muru, in terra, e su fossu puru; logu chi faet a badhe, bàsciu e in paris che a sa cea, ma prus úmidu, peale de monte; sa síngia o erriga chi si paret tra terra e aera, atesu (si narat prus che àteru pl.); in sa carena, su tretu de is nàdigas; su fundhurúgiu, mescamente su chi faent unas cantu cosas postas in istrégiu; logu de matas (fundhos) Sinonimi e contrari fundhache, fundhera, fundhu / imbasamentu / badhe / feche / padente / ttrs. fundari Modi di dire csn: fundali de àcua = poju, paule de abba, garropu, fundagu; fundhale de àrbure = su chi abbarrat in terra, paris cun sas raighinas, de un'àrbure pustis segada; su fundhale de s'ulicra = su fossighedhu suta de s'origra; su fundali de sa massa (laore) = su trigu de fundhu, in terra, in s'arzola Frasi tue depes èssere issiu dae su fundhale de s'iferru, ghetadommos! ◊ sos fundhales de su mare sunt fungudos cantu prus si andhat a mesu ◊ ant fatu is fundhales de sa domo a picu e a pala ◊ eus bíviu in cussu frius de su fundabi de sa funtana ◊ pigai s'ànima sua e ghetaincedha a fundali! 2. est in su fundali pascendi is brebeis 3. sos fundhales sunt rujos ◊ a iscurigadroxu su fundali no s'iscerat prus ◊ s'ispacat s'aera che melagranada, fundhales biaitos s'iscavacant ◊ su funnale cara a Tíana est inniedhigannosi 4. non papat pisci po no s'isfundi su fundali ◊ custas mudandas parint piticatzas po su fundali tuu 5. chin s'ape issos cherent isfrutare sos frores de su fundhale pro buscare leu e chera, papa e mele Terminologia scientifica slg, crn Etimo srd. Traduzioni Francese vallée, horizon, souche Inglese valley, horizon, stump Spagnolo valle, horizonte, cepa Italiano vallata, orizzónte, céppo Tedesco Talebene, Horizont.

«« Cerca di nuovo