assúnta , nf Definizione su chi si arrennescet a ischire de calecuna cosa o chistione; fintzes cabu, firmesa, seriedade in su fàere coment'e de chie ischit, est seguru de su chi faet / ómine de a. = sàbiu, atinadu Sinonimi e contrari àrviu, isceda, noa Frasi no ndhe apo pótidu leare assunta de sa chistione ◊ ndhe at leadu assunta su síndhigu 2. cussu no tenet assunta e pagu bi at de si ndhe fidare! Etimo srd. Traduzioni Francese notion, nouvelle Inglese news, notion Spagnolo noción, noticia Italiano nozióne, notízia Tedesco Kenntnis, Nachricht.

inciónnu , nm: insóniu, insonu, issóniu, issonu Definizione agiummai coment'e sonu, cosa chi ischint o chi narant in medas de unu, siat in bonu e siat in malu / sa bidha est a insonu = in bidha est essida sa boghe chi… Sinonimi e contrari díciu / alleca, arviedhu, nova / incionada, lúmena, lumenada, nada, nemonada, nomena, sonedhu Frasi cun istruendu e insóniu terrore inoghe isparghias! ◊ sa zente pessat chi de totu s'issóniu, de totu su machine de sa vida, arreat petzi su cherinzu vene ◊ abba passada no traet molinu, abba passada no faghet issonos (Cubeddu)◊ si azis issonu nàzinnos cosa! 2. custus funt dícius e incionnus de su Sulcis 3. a cussu malu issonu, su babbu lasseit andhare un'úrulu ◊ sunt tantos annos chi no ti apo bidu ne de te piús apo intesu insonu ◊ de candho at intesu cussu insonu, chi sa fura faghet cussu efetu, furat isse puru 4. no ailti de ladru cuss'insonu Etimo srd. Traduzioni Francese diction, nouvelle, bruit Inglese saying, news, reputation Spagnolo dicho, rumor, fama Italiano détto, notìzia, fama Tedesco Spruch, Nachricht, Gerücht.

iscumbàta , nf, nm: iscumbatu, scumbatu Definizione su chi si faet po bíere o ischire giustu comente una cosa est, o si unu est naendho o at nau sa beridade / èssere de i. = coment'e campioni, de arregodai a paragoni Sinonimi e contrari aprobbu, cumproa, proadorzu, proadura Frasi pustis de sa diciosa iscumbata, fint cunvintos chi su remédiu fit bonu de abberu ◊ unu note fidadu l'apo solu, tantu pro fàghere s'últimu iscumbatu (G.Pinna) Etimo srd. Traduzioni Francese nouvelle preuve, contrôle, sondage Inglese proof (fresh), experimental test, survey, check Spagnolo prueba, evidencia, confirmación Italiano ripròva, pròva sperimentale, riscóntro, sondàggio Tedesco Probe, Untersuchung, Bestätigung, Erforschung.

nòa , nf: noba, nova Definizione cosa, chistione, nada chi no s'ischiat, chi s'intendhet a primu borta / min. novedha Sinonimi e contrari nobidade / moventu, sceda, segurtànsia Modi di dire csn: bonas novas = zenia de seisei bellu chi si cret de bonas uras; malas novas = porchedhu de sant'Antoni, una zenia de seisei chi essit a denote, chi si cret de malas uras; novas de piscadori = àcua meda e pisci pagu!, nudha de nou Frasi ita novas dhue at in bidha? ◊ fatu o no fatu, sa nova essit e curret dae carrela in carrela ◊ no timas chi ti màcule sas alas po custa nova falsa chi est essida ◊ preguntare novas ti cheria ◊ sas campanas a morte malas noas ant sonadu ◊ a prepósitu de novedhas, inténdhiu dh'ais it'est sutzédiu? Traduzioni Francese nouvelle Inglese news Spagnolo noticia Italiano notìzia Tedesco Nachricht.

scèda , nf: isceda*, scera 2 Definizione cosa chi si mandhat a nàrrere o chi si benit a ischire de calecuna chistione, de unu cumandhu, arresposta a una dimandha Sinonimi e contrari apolta, arraspusta, assunta, noa, segurtade, segurtànsia Modi di dire csn: mandai, torrai sa s., tènniri s. ca..., de...; mi ndi eis a torrai sa s.! = mi ndhe azis a torrare sos contos!, azis a bídere s'antzua!, de seguru at a andhare male ca sa chistione est comente so nendhe deo! Frasi est arribbada sa sceda lègia de sa spaciada sua ◊ torraimí sceda de cudha chistioni! ◊ mi at preguntau scedas de mammai ◊ depeus torrai sceda a chini si at mandau ◊ su cantadori campidanesu prus antigu chi s'iscínt scedas seguras est Nàssiu Deplanu ◊ ndhe allegamus e tra duas cidas torrais ca bosi torramus scera ◊ at fatu sa pregunta e aspetat a dhi torrai sceda ◊ est lómpia sa scera trista de sa morti sua 3. ni cun santus, ni cun tiaus no nci brulleis meda: assinuncas oi etotu ndi eis a torrai sa sceda e si apu a biri a bacedhus, fatus a cancarroni! Traduzioni Francese renseignement, nouvelle, annonce, avis Inglese information, response, news Spagnolo información, noticia, anuncio Italiano informazióne, notìzia, respònso, annùncio Tedesco Information, Nachricht, Antwort, Mitteilung.

segurtàde , nf Definizione risposta chi faet a ischire cosa segura, nova, cosa chi si benit a ischire / dare, torrare s. Sinonimi e contrari apolta, arrespusta, isorta, sceda, segurtànsia, tzerta Traduzioni Francese confirmation, réponse, nouvelle Inglese confirmation, news Spagnolo confirmación, noticia Italiano rispósta, conférma, notìzia Tedesco Antwort, Bestätigung, Neuigkeit.

«« Cerca di nuovo