Ditzionàriu in línia
de sa limba e de sa cultura sarda

aciacàdu , pps, agt: ciacadu Definizione chi istat sèmpere malàidu, débbile Sinonimi e contrari maladióngiu, malacónciu | ctr. sanu Frasi immoi seus bècius e aciacaus Traduzioni Francese maladif Inglese cachectic, sickly Spagnolo enfermizo Italiano malatìccio, cachèttico Tedesco kränklich, siech.

aciachiéntu , agt Definizione chi est sèmpere malaidóngiu Sinonimi e contrari aciacadu, frazigone, maladióngiu Etimo spn. achaquiento Traduzioni Francese maladif Inglese sickly Spagnolo achacoso Italiano acciaccóso Tedesco gebrechlich.

allangorídu , agt: langoridu Definizione nau de ccn., chi istat male de sa debbilesa Sinonimi e contrari malacónciu, illangoriu Frasi su bestiàmine geunu, pili frujadu e allangoridu, est morzendhe de su fàdigu ◊ sos corvos bolant in punta de sas noderas bramendhe calchi pegus allangoridu Traduzioni Francese maladif, asthénique Inglese asthenic, sickly Spagnolo enfermizo Italiano malatìccio, astènico Tedesco kränklich, kraftlos.

demàdu , pps, agt: addemmau, demau Definizione de demare; chi at ingortu dema, maladia, mancari no s’iscat bene ite (podet èssere fintzes arremadiu): si narat de animales magangiaos e malesanos; nau de gente, de salude difetosa, fintzes chi est pagu giustu de conca o, nau de cosa, chi tenet difetu Sinonimi e contrari demmu, indemau, tunconidu / macu, scimpri | ctr. líaru, sanu Frasi seo totu demau: giugo sas nares che unu grifone (T.Cau) 2. mamma tua est morta picinna, singiale chi fiat demada ◊ custa dente est demada, bogannedha!◊ demada no ti fusti dépia coxuare! Etimo srd. Traduzioni Francese malsain, maladif Inglese sickly Spagnolo malsano, enfermizo Italiano malsano, malatìccio Tedesco kränklich.

incimiàu , agt: intzimiau Definizione chi portat intzimia, neghe, cuménciu de unu male, de maladia; chi at tentu dannu, cumenciau de male Sinonimi e contrari sentinau, simiau, tacadu, temadu, temósigu, temosu, tunconidu, tzimiadu / scanniu 2. sa làtia, própiu cussa a follas mannas, est sa prus incimiara de s'incuinamentu ◊ torru, o Sardigna intzimiara, a sa tita tua múllia, istancu e arreulau (E.Collu)◊ su corpus dh'allogu intzimiau in d-unu siléntziu fatu de arrinnegu Etimo srd. Traduzioni Francese maladif Inglese affected, damaged Spagnolo enfermizo, lesionado Italiano colpito, lesionato Tedesco ungesund, beschädigt.

indemàu , agt Definizione chi at ingortu atema, temiadu, chi tenet calecuna mància in sa salude: si narat de is animales magangiaos o malesanos Sinonimi e contrari demadu, incimiau, tacadu, temósigu, temosu, tunconidu | ctr. sanu, líaru Etimo srd. Traduzioni Francese malsain, maladif Inglese unhealthy, affected Spagnolo enfermo, enfermizo Italiano malsano, colpito Tedesco ungesund.

magagnósu , agt: magangiosu, maganzosu Definizione chi tenet tema, mància, calecunu pecu a sa salude; fintzes chi portat trassas, nau de gente Sinonimi e contrari aciacosu, maladióngiu, malesanu, tacadu, temósigu, temosu, tunconidu, tzimiliosu / malissiosu | ctr. líaru, sanu Frasi totu sa genti magangiosa est in custu logu! Etimo srd. Traduzioni Francese maladif, malsain Inglese sickly Spagnolo enfermizo Italiano malsano Tedesco kränklich.

maladióngiu, maladiónzu , agt: malaidognu, malaidòngiu, malaidonzu, mararióngiu, mobadióngiu Definizione chi est unu pagu malàidu, chi patit calecunu male fintzes si no malu o grave, chi s'immalàidat dónnia tanti, chi est pagu sanu Sinonimi e contrari aciacosu, iscunsertu, magagnosu, malaiditzu, malaidosu, malantzidu, malesanu, scuncordadatzu, tacadu, temósigu, temosu, tunconidu, tzimiliosu | ctr. sanu Frasi is pipius in tempus de fàmini e de abbisóngiu crescint malaidòngius e tristus ◊ cussu depit istai mararióngiu e su coru no at achipiu totu s'amori… Etimo srd. Traduzioni Francese maladif, souffreteux Inglese ailing Spagnolo enfermizo Italiano malatìccio Tedesco kränklich.

malaidósu , agt: malavidosu Definizione chi o chie est pagu sanu, tenet neghe a sa salude Sinonimi e contrari aciacosu, maladióngiu, tunconidu | ctr. sanu Frasi sas àmbrias de sa cambigana, frigadas che una pumada in sa parte malaidosa, faghent bene pro sos dolores romàticos ◊ sa pitzinna fit minujedha e malavidosa, ma candho giuchiat su bundhu no resessiant a la mantènnere ómines mannos ◊ su maridu fit semper malaidosu e si che li fit mortu Traduzioni Francese maladif, souffreteux Inglese sickly Spagnolo enfermizo Italiano malatìccio Tedesco kränklich.

malesànu , agt Definizione chi tenet neghe a sa salude, chi no est sanu; nau de unu logu, chi faet male a sa salude Sinonimi e contrari aciacosu, demmu, ferosu, maladióngiu, tacadu, temósigu, tunconidu, tzimiliosu / intemperiosu | ctr. sanu Traduzioni Francese malsain, maladif Inglese unhealthy Spagnolo enfermizo, malsano Italiano malsano Tedesco kränklich, ungesund.

tunconídu , agt: tuncuniu Definizione chi at ingortu tema, chi est pigau de calecunu male (fintzes malàidu meda), nau de sa carena e de s'ànimu puru; fintzes tristu, a tzúnchios de dispraxere Sinonimi e contrari aciacosu, demadu, ferosu, maladióngiu, malesanu, pisimau, tacadu, temósigu, tzimiliosu, tzutzunidu / annicadu, annozadu, triltu / malàdiu, màlturu | ctr. sanu Frasi est tunconidu e no at apetitu ◊ est ghirada afannada ca fit semper mesu tuncunia ◊ tuncunia e a filupendhe, est morta azicu apustis ◊ sa zente tuncunia est isetandhe su beranu ◊ boches, lamentos, prantu ispapajau prenabant su bichinau tuncuniu ◊ tenet una fiza tunconida, marturiada in sa carena barant'annos 2. totus aiant cumpresu chi Elias fit tuncuniu, indiosau de sa connada Etimo srd. Traduzioni Francese maladif, chancelant Inglese ailing Spagnolo enfermizo Italiano malatìccio, cagionévole Tedesco kränklich.

tzacoràu , pps, agt: atzacorau Definizione de tzacorare; chi est malandhau de salude, malacariu Sinonimi e contrari aciacosu, demadu, ferosu, magagnosu, maladióngiu, malesanu, scanniu, tacadu, temósigu, temosu, tunconidu, tzimiliosu Traduzioni Francese maladif Inglese crushed Spagnolo debilitado Italiano acciaccato Tedesco schwach.

tzimiliósu , agt Definizione chi tenet neghe a sa salude, chi est tzimiadu Sinonimi e contrari aciacosu, magagnosu, maladióngiu, malesanu, tacadu, temósigu, temosu, tunconidu Etimo srd. Traduzioni Francese maladif Inglese sickly Spagnolo enfermizo Italiano infermìccio Tedesco kränklich.

tzotzídu , pps, agt: tzutzidu Definizione de tzotzire; nau de s'ou, chi est frochiu o fintzes isciaculadori, guastu; nau de gente, chi est intzimiau, pigau de ccn. male Sinonimi e contrari crochidu / incimiau, sentinau, temadu, tunconidu Traduzioni Francese couvé, couvi, maladif Inglese brooded, sickly, rotten egg Spagnolo empollado, enfermizo Italiano covato, barlàccio Tedesco ausgebrütet, faules Ei, faulig.