arpilía , nf Definizione istriori de assíchidu o de fritu, genia de trémia chi giaet sa carena po assíchidu o fritu Sinonimi e contrari acrichidhada, erpiliu, istriore, tidilia, titifrius Frasi custas sunt arpilias de assustru, àter'e che fritu! Etimo srd. Traduzioni Francese frisson Inglese shiver Spagnolo escalofrío Italiano brìvido Tedesco Frösteln, Schauder.

astriàda , nf Definizione trementa, tremedhera de su fritu Sinonimi e contrari erpiliu, istriore, tidilia, titifrius 2. sento un'astriada de fritu: est iscuru e de totu cussa zente no ndhe connosco mancunu! Etimo srd. Traduzioni Francese frisson Inglese shiver Spagnolo escalofrío Italiano brìvido Tedesco Schauder.

astúdhu , nm Definizione trémia de sa carena, su pònnere sa tzudha po su fritu, po timoria manna Sinonimi e contrari acrichidhada, assunciudhu, erpiliu, ispreu Frasi candho contaiant de àteros mundhos, calchi astudhu resessiat a rafiare sos sónnios ◊ sos astudhos pigant piús pro sas timorias chi no pro sos bonos sentimentos ◊ cussu contu ndhe batit sos astudhos ◊ fint càntigos chi faghiant pigare s'astudhu in dossu ◊ pigant sos astudhos a s'atréminu chi dant sos inghírios de su tilibbriu Etimo srd. Traduzioni Francese frisson Inglese thrill Spagnolo escalofrío Italiano brìvido Tedesco Schauder.

ispréu , nm: spreu Definizione timoria manna meda, po cosa mala chi podet acontèssere o chi si est provada Sinonimi e contrari assunciudhu, astudhu, iscadha, iscalmentu, ispràgiu, isprioru Frasi e asinche puru puru… candu in s'eternu iscuru e in su piús mannu ispreu ti chirco e no ti agato, Deus meu… (S.Baldino)◊ mai piús mi faghe, ite ispreu!, a vívere torrare pro mòrrere, Deus meu! ◊ no ti pighist ispreu! ◊ mancu unu utu, mancu una boche de ispreu pro custu dolore! ◊ a tocos, lentos lentos, mesanote sa péndhula at sonadu: un'aerita lena de ispreu mi artudhat sa carena! (P.Fae)◊ unu cane orulendhe ti astudhit sas palas de ispreu 2. sos betzos timent a ispreu a bíere arribbandhe s'istiu, ca los dassant solos Etimo ctl. menyspreu Traduzioni Francese frisson, horreur Inglese shudder, horror Spagnolo horror Italiano brìvido, orróre Tedesco Schauder.

istriòre, istriòri , nm: striori Definizione genia de trémia chi giaet sa carena po assustru o fritu Sinonimi e contrari arpilia, astriada, astriore, istrioramentu, tidilia, titifrius 2. is araxis chi si tragat s'edadi faint intèndiri is istrioris de sa becesa (Z.Sanfilippo) Etimo ltn. stridore(m) Traduzioni Francese frisson Inglese shiver, thrill Spagnolo escalofrío Italiano brívido Tedesco Schauder.

tidilía , nf, nm: atitillia, tidiria, titilia, titiliu, titillia, titiria, titirria Definizione (sa t. = nr. "satidilía" e deasi cun totu is var.) istriori de assíchidu o de fritu, genia de trémia chi faet sa carena po assustru o fritu chi at pigau Sinonimi e contrari acrichidhada, arpilia, astriada, istriore, titifrius, tzutzunida / ispreu Frasi su bentu fora faghiat bènnere tidilias de morte (M.A.Seu Deiana)◊ mi ndhe so ischidada a titillias de fritu e arpilada ◊ leadu sempre prus dae tristuras e titirias ti atacas sempre prus a s'ispuntone (L.Castiglia)◊ po titirria sos àlvures restant frimmos e solu su riu murmutat ◊ titilios de fritu mi orpilant sa carena (D.Murru) 2. sa morte li est intrada muitza muitza che tidiria chi abbelenat in beranu sa carena Etimo srd. Traduzioni Francese frisson de froid Inglese thrill Spagnolo escalofrío Italiano brìvido Tedesco Frösteln.

titivríos, titivríus , nm: atitivriu Definizione genia de trémia chi faet sa carena po fritu chi at pigau Sinonimi e contrari arpilia, astriada, istriore, tidilia Frasi a titivrius, a coru frunziu de s'atzíchidu, est passada puru custa Paschixedha (A.Cannas)◊ cun custu titivrius no drommu ◊ tegno fritu e seo a titivrios Etimo srd. Traduzioni Francese frisson de froid Inglese shiver Spagnolo escalofrío Italiano brìvido di fréddo Tedesco Frösteln.

tremedhèra , nf Definizione su trèmere, su istare tremendho, treme treme, genia de móvia a iscutuladura totu parívile; fintzes genia de presse, furighedha Sinonimi e contrari trementa tremuea, tremuina, tremuledha / cdh. trimaredha Frasi dhi benit una tremedhera in totu su corpus e dhi tzacarrant is dentis puru 2. dh'at pigau sa tremedhera e si ndi est andau Etimo itl. Traduzioni Francese frisson, tremblote Inglese shivers Spagnolo tembleque Italiano tremarèlla Tedesco Zittern.

tremulèdha , nf Definizione genia de movimentu lestru e curtzu de sa carena (in totu o in parte), su istare tremendho, tremedreme Sinonimi e contrari trementa, tremualla, tremuea / cdh. trimaredha, trimuledha, ttrs. trimuredha Frasi sas mamas a tremuledha si faghiant sinnos cuendhe sos pitzinnos ◊ li picaiat sa tremuledha solu a lu intènnere mentovare: totu lu timiant che frea ◊ mi sentia su coro a tremuledha Etimo srd. Traduzioni Francese frisson, tremblote Inglese shivers Spagnolo tembleque Italiano tremarèlla Tedesco Zittern.

«« Cerca di nuovo