canníre , vrb Definizione apèrrere che canna, fàere una tzacadura a cosas de linna, de imbidru, terra, pedra e àteru de tostau (es. broca, pratu) Sinonimi e contrari abbèrrere, afilai, chinnire 1, filiri, fresai, intzignai, iscricai, sacai, scanniri, sinniai Frasi su becu s'est impercau e s'at canniu un'anca ◊ ti canno sas costas, si ti ponzo manu a fuste! ◊ a tibe no ti si cannit sa conca dae sos pessamentos!… Etimo srd. Traduzioni Francese fêler Inglese to crack Spagnolo rajar, resquebrar Italiano incrinare Tedesco Sprünge machen.

chinníre 1, chinníri , vrb Definizione fàere un'aperta, un'afilada, una segada chi paret fine che unu filu, a unu traste de cosa tètera, mescamente a un'istrégiu (in cobertantza, si narat de gente chi bogat fama mala, chi s'imbrutat s'onore) Sinonimi e contrari abbèrrere, afilai, cannire*, filiri, frasellare, fresai, sacai, scanniri, sinniai, tinnire Frasi si chinnit una tassa, una cíchera, e dónnia cicílliu ndi aciocas a domu! Cognomi e Proverbi prb: tatza chinnida niune la neat Traduzioni Francese fendre, fêler Inglese to cleave Spagnolo rajar, resquebrar Italiano fèndere, incrinare Tedesco spalten, einreißen.

ischinníri , vrb: scanniri Definizione apèrrere che canna, tzacare, fàere una segada a sa broca, pratu, tianu o àteru deasi chídrinu, tostau Sinonimi e contrari abbèrrere, afilai, cannire, chinnire 1, filiri, fresai, sacai, sinniai Frasi a corpu de perda ant ischinniu su bustu de un'istàtua Etimo srd. Traduzioni Francese fêler Inglese to crack Spagnolo desportillar, mellar Italiano incrinare Tedesco einreißen.

«« Cerca di nuovo