Legenda Abbreviazioni | Legenda Simboli

corriciólu , nm: corrintolu, corrintzolu, corrinzolu, corritolu, corrunciolu, curretolu, currintzolu Definizione tega pitica, modhe, de fae, de pisu e cosas deasi, candho portat su granu piticu e si podet fintzes còere cun corgiolu e granu totu impare (es. fava a olla) Sinonimi e contrari basoledhu, corra, corrincione, corrischedhu, corrónciulu, faixedha Frasi sa fae che l'at sica in fiore e de corrintolu mancu ndhe at signaladu ◊ essis che fae frisca in corrintolu ma si bidet chi ses nasiniedha Etimo srd. Traduzioni Francese cosse de certaines légumineuses Inglese tender pod Spagnolo legumbre tierna Italiano baccèllo tènero delle leguminóse Tedesco weiche Hülse.

corrischèdha , nf Definizione tega, mescamente de pisu Sinonimi e contrari teca Terminologia scientifica rbr Etimo srd. Traduzioni Francese cosse de certaines légumineuses Inglese pod Spagnolo vaina Italiano baccèllo di legumi Tedesco Hülse.

tèca , nf: tega Definizione sèmpere upm, su corgiolu cun su granu (papu) de alegúmenes e de unas cantu erbas e matas, sèmpere a duas perras longas chi si aperint a solas (candho àrridant de su sole) o apostadamente po ndhe bogare su granu; cussa de sa lana, bobboi chi s'imbodhigat cun d-unu pigighedhu de cosa e faet in s'orrobba chistia; istugighedhu de metallu pretziau po chistire relíchias o àteru / min. teghixedha, teghedha Sinonimi e contrari corrischedha, tilibba / ttrs. triba / arna, lanasta / cocheta Modi di dire csn: dare fae a tega (in cobertantza) = banzu, surra; animales de una teca = de una bentre, cróbinos, nàschidos de sa matessi anzada de una matessi mama Frasi tega de fae, de pisu, de basolu ◊ cussa tega de pisellu zughiat chimbe ranos ◊ sa zorba bogat sa tega ◊ sa letítera faghet sa tega ◊ su basoludundhu faghet teghighedha curtza cun d-unu o duos ranos 2. a sa lana li est posta sa tega ◊ sa teca si nche at mandhicau sa lana 3. che relíchias santas dent èssere postas in tecas de oro 4. su mere cropat a fuste, ma s'animale traessu no tzucat, abbarrat prantau arregoglindhe fae a tegas longas Cognomi e Proverbi smb: Tegas / prb: catedhos de una teca cantu apare si secant Terminologia scientifica rbr Etimo ltn. theca Traduzioni Francese cosse, gousse, cocon Inglese pod Spagnolo vaina Italiano baccèllo, bòzzolo Tedesco Hülse, Kokon.

«« Cerca di nuovo