cadèna , nf: carena 1, catena Definizione genia de cosa longa po acapiare fata a tantos lobos intraos apare (mescamente de metallu); impíciu grae, acàpiu légiu; filera de fundhos de bide; chedha de cuadhos acapiaos apare po treulare; filera de latzos po cassare pigiones / min. cadenedha = cadena pitica Sinonimi e contrari arrenghera, fibera, fila, filerina, giuali, lérina, óldine Modi di dire csn: cadenita = prendha de zúghere in trugu apicada; cadena de sa domo = biga maista de sa teulada; una cadena se sarmentu = un'órdine de bide; puntu de cadena = zenia de cosidura Frasi a su gantzellu l'ant postu una cadena pro lu muntènnere serradu ◊ teniant su mannale presu a cadena ◊ si sa pessone no agguantat a paràulas no abbarrat mancu presa a cadena 2. cussu est una cadena, no un'amigu! 3. is cadinus po binnennai furint in conca de cadena Etimo ltn. catena Traduzioni Francese chaîne Inglese chain Spagnolo cadena Italiano caténa Tedesco Kette.

giòbe , nm: ciopu 1, giobu, lobu Definizione giru, lobu de cosa (es., filu, fune, codriola) coment'e acapiandho a nodu istrintu o fintzes lenu chi potzat iscúrrere po cassare mescamente animales (ma si narat fintzes in cobertantza po gente); orrugu de sartitzu cun is cabos acapiaos impare; lóriga de cadena Sinonimi e contrari isciocu, lantu Modi di dire csn: giobu de càriga = filleri de càriga; parare su giobu = parai su latzu; giobitu de criadura = cosa chi si apicat in trugu a sa criadura pro no àere male Frasi upas caratzadas de pídigu parant sos giobes a sa libbertade ◊ a giobu mi l'ant tenta sa crabola (G.Fiori)◊ si che torresit a binza gàrrigu de giobos e comintzesit sa catza de sas puzones ◊ retzas, trobeas, giobos fuo, cantos ndhe preparas tue, trassista! 2. at mandhigadu unu giobu de saltitza ◊ est una cadenita totu a giobitedhos ◊ sa cadena est fata a tantos giobos intrados apare Etimo ltn. cop(u)lum Traduzioni Francese nœud coulant, lacet, anneau de chaîne Inglese skipknot, lace, link Spagnolo lazo, eslabón Italiano càppio, làccio, anèllo di catena Tedesco Schlinge, Kettenglied.

gríglios , nm pl: grillos, grillus Definizione genia de trobea o cadena chi poniant a is manos o a is peis e pesu chi poniant a is presoneris Sinonimi e contrari griglione, musas Terminologia scientifica ans Etimo spn. Traduzioni Francese chaîne Inglese chain, iron block Spagnolo grillos Italiano caténa, céppo di fèrro Tedesco Kette.

oldíu , nm: ordidu, ordiu Definizione su filau chi s'isterret de unu ixubru a s'àteru in su telàrgiu (tramítidu in is litzas) po fàere su tessíngiu Sinonimi e contrari odríngiu Terminologia scientifica ts Traduzioni Francese chaîne, ensemble des fils parallèles disposés dans le sens de la longueur d'un tissu Inglese warp Spagnolo urdimbre Italiano ordito Tedesco Kette, Zettel.

passamànu , nm: prassamanu Definizione su aporrire una cosa s'unu a s'àteru, prus che àteru trebballandho; linna o ferru a ue faet a si poderare cun sa manu, passandho in logu de iscala o àteru; genia de orrolu o avoreta Sinonimi e contrari linghiera Etimo spn. pasamano Traduzioni Francese chaîne Inglese passing from hand to hand Spagnolo en cadena, pasamanos Italiano passamano Tedesco Kette, Handlauf.

«« Cerca di nuovo