cagiàu , pps, nm, agt: callau, caxau, cazadu Definizione de cagiare; su late mortu cun su càgiu; nau de css. cosa, chi che dhi est consumada s'abba (es. brodu); nau de logu po sa gente o animales chi dhue funt, chi ndh'est prenu, totu leau, cagiagàgia Sinonimi e contrari cagliadedhu, pieta / cagiagàgia | ctr. brodosu, isabbisabbi, soltu 2. mi at promintu sa columba de casu dae su primu cazadu 3. su logu est totue cazadu de sordados Terminologia scientifica csu Traduzioni Francese lait caillé Inglese curdled milk Spagnolo cuajada Italiano latte rappréso, quagliato Tedesco geronnene Milch.

cancàrau 1 , nm Definizione pigione chi abbitat meda in Sardigna e faet sa cria fintzes duas bortas in s'annu Sinonimi e contrari bebbereche 1, cícuri, pasparau, scuacioni Terminologia scientifica pzn, coturnix coturnix Traduzioni Francese caille Inglese quail Spagnolo codorniz Italiano quàglia Tedesco Wachtel.

cícuri , nf: círcuri, círcula Definizione genia de pigione; aina chi faet unu sonu chi assimbígiat a sa boghe de sa círcuri Sinonimi e contrari bebbereche 1, cancarau 1, pasparau, trepodrè Frasi pagu atesu, mesu cuada de s’erba giai arta, una círcuri est cantendu Terminologia scientifica pzn, coturnix coturnix Traduzioni Francese caille Inglese quail Spagnolo codorniz Italiano quàglia Tedesco Wachtel.

cracàu , pps, agt Definizione de cracai, de -are 1 / èssiri a itzugu c. = nau de ccn. chi portat su tzugu curtzu meda, coment'e aciuvau Sinonimi e contrari incarcau, istibbidu / acragadu 2. custu est piriciou chi apu cracau dèu ◊ bivint a coru cracau de unu calacorru de axiu ca no est seguru su cras ◊ Turcus e Morus, che frumi calau, a cuadhu si ghetant, a isproni cracau (M.Maxia)◊ est tonta cracada custa picioca! 3. fut cun sa berrita cracada in faci ◊ cussu est a itzugu cracau Traduzioni Francese pressé, serré, caillé Inglese pressed, curdled Spagnolo pisado Italiano pigiato, quagliato Tedesco gedrückt.

frúa , nf: frue, frughe Definizione prus che àteru, late cagiau, ma fintzes totu su chi essit de su late: tinnada, colostru, arrescotu, callau, butiru Sinonimi e contrari cagiau, pieta / giodhu / cdh. fruja Terminologia scientifica mng Etimo ltn. fruge(m) Traduzioni Francese lait caillé Inglese milk curd Spagnolo leche cuajada Italiano latte coagulato Tedesco Sauermilch.

pièta , nf: preta 1 Definizione su late chi si faet cagiau apustis chi dh'ant betau su càgiu po dhu fàere a casu: si narat fintzes de dónni'àtera cosa lícuida candho essit cagiada a bisura de late cun su càgiu (a gheladina) Sinonimi e contrari cagiau, cagliadedhu, frua, merca 2 Modi di dire csn: p. bíschida = agriada; p. púrile = apenas fata, durche; preta, pretu ’e sàmbene = gruma 1, lea de sànguini, itl. trómbo; preta ’e fele, de tússiu, de risu = cadha de arrennegu, de tússiu, bentr'e risu; ogru in preta ’e sàmbene= ruju meru Frasi bíschida o púrile, sa preta est bona sempre ◊ su late giagadu si mórigat e si dassat fintzas a si mòrrere, o siat fintzas a si fàghere a pieta 2. zughet sos ogros in preta de sàmbene Cognomi e Proverbi smb: Preta, Pretta Etimo ctl. (a)pretar Traduzioni Francese caillé, caillot Inglese curd Spagnolo cuajada, coágulo Italiano cagliata, coàgulo Tedesco Gerinnen, Gerinnung.

trepodrè , nm: trespodrè Definizione pigione chi abbitat meda in Sardigna e faet sa cria fintzes duas bortas in s'annu: dhi narant deasi po sa cantadura chi faet Sinonimi e contrari bebbereche 1, cancarau 1, cícuri, crocadí, pasparau, scuacioni / cdh. trepudè Frasi t'iscultas un'allegru trespodrè a isfida cantendhe cun su cucu (F.Pitzolu)◊ bolos de peldighes, birdarolos, trepodrès e babbarrotos… Terminologia scientifica pzn, coturnix coturnix Etimo srd. Traduzioni Francese caille Inglese quail Spagnolo codorniz Italiano quàglia Tedesco Wachtel.

«« Cerca di nuovo