sciniciài , vrb: ischinnitzare*, scinitzai Definizione pònnere pentzamentu, tènnere pistighíngiu, coidu, scinitzu, cricare de prànghere, agiummai coment'e faendho s'ischinnitzosu (nau de is pipios); fintzes fàere mòvere, fàere andhare, ischidare / maladia, sciàtica scinitzada = suguzada, móvia, giaendho dolore Sinonimi e contrari atitivollae, infarnetigai, mòere, sciumbullai, seguzare, subuzare | ctr. assebiai Frasi mi seu sciniciada dèu po cussus, ca funta totus piticus e sentza de mama e ni babbu ◊ su sànguni trumbullau scinitzat su sentidu ◊ assurbita assurbita mi scinitzas is venas, mi alluatzas, mi arbigas e mi ponis forrogu ◊ tui, che rosa nodia, acanta mi seis e mi scinitzas e trúmbulas s'ànima (L.Porceddu) 2. bai e scinitza is brebeis a pasci! ◊ si fut gent'e casciais esta a biri ca dhus fera sciniciai! 3. portu ancora sa sciàtica scinitzada, ma mi benit ammarolla a bandai a frigai s’arrobba! (M.L.Serpi).

«« Cerca di nuovo