saidài , vrb: assedare, sairai, sedare, seghedare, seghetare, seidai, seidare, seidari, seirai Definitzione carrare su trigu messau (séidu) po dhu abbigare in s’argiola; nau de is laores a erba, fàere bellos, a fundhos mannos, cun cambos medas; fintzes portare cosa bastat chi siat Sinònimos e contràrios carrucare, isseidare / abbigai, aggremagliare, apostorzare, arremiarzare, setare / acambare / carrare Frases po ndi sairai su trigu si usàt sa carruga ◊ sos messajos onzi sero sedaiant su laore messadu ◊ in làmpadas puru, seidendi sa màniga a s'orgiola, capitat a proi! ◊ peri sos vetzos fachiant su messonzu e incumintzaint a seghetare chin su carru 3. a piticus si nci bogànt a su sartu po ndi seidai su fascitedhu de sa linna po inforrai su pani ◊ sa linna ndi dha seidaus a bidha a carru Ètimu srd.

«« Torra a chircare