Ditzionàriu in línia
de sa limba e de sa cultura sarda

pronítza , nf, nm: prunatza, prunetza, prunirtzu, prunitza, prunitzu Definitzione pruna aresti o de margiani, genia de tupighedha ispinosa meda chi faet sa prunischedha, unu frutighedhu a pibionedhu blau forte candho est cotu Sinònimos e contràrios annàgiu, isprunatza, prunatzonca, prunigedha / ttrs. prunitzedha Frases sa prunatza fachet unu frutu asulu-nighedhu ◊ cue bi at matedos de rú e de prunitza ◊ pro semenare secabat calàbriche e prunatza ◊ cussas contularzas sunt ispinosas che mata de prunitza! Terminologia iscientìfica mt, Prunus spinosa Ètimu itl.t pruniccia Tradutziones Frantzesu prunellier Ingresu blackthorn Ispagnolu endrino Italianu prùgnolo Tedescu Schlehbusch.