nébida , nf: nébide, nébidi, nébira, népida 1, népide, népira Definitzione nues de vapore no meda cracu chi calant e istant bàscias bàscias, o si pesant e istant bàscias in sa terra o fintzes in logu de lagu; genia de dificurtade chi no lassat bíere o cumprèndhere bene sa cosa o chistione comente est Sinònimos e contràrios abboeru, boiratzu, bòrona, fumacina, néula Frases sigheint s'aronzu in mesu a sa nébida ◊ su fumu essiat che nébida dae sas cobelturas ◊ candu cudha fut acanta de arribbai si est formara custa nébira e no si est bia prus ◊ s'ischidat tra sa népida bianca sa terra de malària penosa (A.Casula)◊ sa nébide at afumau totu su trigu ◊ de is tres de chitzi si cumentzat a betai sa nébida 2. tra noso e sa beridade sas nues e sa népide no che depent èssede! (L.Pisano)◊ su binu fiat faendho efetu e dhi pariat calandho sa népida, in ogos portaiat pibiristas de prumu Terminologia iscientìfica tpm Ètimu srdn. Tradutziones Frantzesu brouillard Ingresu fog Ispagnolu niebla Italianu nébbia Tedescu Nebel.

nébida 1 , nf Definitzione genia de mufa chi ponet a su trigu (in css. parte: fògia, cambu, ispiga) Sinònimos e contràrios ruinu 1 Terminologia iscientìfica mld, Puccinia graminis Tradutziones Frantzesu rouille du blé Ingresu bunt Ispagnolu roya negra, herrumbre Italianu rùggine del grano Tedescu Rost.

nébida 2 , nf Definitzione genia de erba, coment'e amenta, bona a meighina Sinònimos e contràrios bragamonti, nebidedha Terminologia iscientìfica rba, Calamintha nepeta Ètimu ltn. nepeta.

nébida 3 , nf Definitzione logu bonu, in paris Sinònimos e contràrios paris Ètimu srd.

«« Torra a chircare