martúciu , nm: marturtzu,
martutzu Definitzione
martutzu de àcua o de arriu, genia de erba chi faet in mesu de s'abba de is errios, unu pagu a cambos crocaos, fines e tuvudos, curtzos, cun arraighinedhas in is nodos, fogighedhas piticas, de sabore forte, unu pagu àspidu, pitzigorosu: bona po insalada e errica de vitaminas A e C: una calidade (Lepidium sativum) dha prantant in ortu / àtera calidade de erba: martutzu aresti (Veronica anagallis-aquatica), martutzu de cuadhu = giúguru, tirgusa (Apium nodiflorum), martutzu grassu = zenia de erba chi faghet in s'abba, bona a meighina (Veronica beccabunga)
Sinònimos e contràrios
acione,
giúgiuru,
grúspinu,
íspini,
lantutzu,
martutzedhu,
mastrutu,
nartussu,
óspinu
Frases
anca passat s’arriu abarrat lau, martutzu e cannisoni ◊ sàntziat su martutzu a pillu de s'unda ◊ bivieiaus isceti addisigendu, ma diaici puru cresceiaus, totu a frotza de isparau, martutzu, lau, pira (Fr.Onnis)
Sambenados e Provèrbios
smb:
Martutzu, Martuzu, Mattutzu
Terminologia iscientìfica
rbz, Nasturtium officinale
Ètimu
ltn.
masturtium
Tradutziones
Frantzesu
cresson
Ingresu
nasturtium
Ispagnolu
berro
Italianu
nastùrzio,
crescióne
Tedescu
Brunnenkresse.
