grísu , nm Definitzione genia de gana lègia chi si provat po calecuna cosa chi no praghet; fintzes timoria, assíchidu Sinònimos e contràrios afàstiu, àscamu, aschiore, ascru, gheléstia, ischifu / acíchidu Frases totu cust'errisu po una mucosa chi faet grisu! ◊ sa rana est leza chi faghet grisu petzi a l'abbaidare ◊ s'arriu est carendi ma s'àcua est trúvula, totu àliga, unu grisu! Ètimu srd. Tradutziones Frantzesu dégoût, horreur Ingresu loathe Ispagnolu repugnancia Italianu ribrézzo Tedescu Abscheu.

grísu 1 , nm Definitzione orrughedhedhu de àliga Sinònimos e contràrios abighíngiu, arritzu 1, brutura, rena, renza, solla Frases unu grisu mi nch'est intrau a s'ocru ◊ bogamindi su grisu de s'ogu!

grísu 2 , nm Definitzione duos diferentes pigionedhos si narant cun custu númene: su chirisi de perca e su brentorrúbiu (o grori) Sinònimos e contràrios buginu, ciórighe, colacolamuru, marcasórighe, pisciagulu, pisinache, pisirica / barbarrúbia, ghilisu, iscalzurúgiu Terminologia iscientìfica pzn.

grísu 3 , agt Definitzione una genia de colore, múrinu, nau prus che àteru de una calidade de màrmuri, su màrmuri g. Sinònimos e contràrios cinixali, múrinu Frases cussa cosa abbruxendi at fatu fumu grisu Terminologia iscientìfica clr Ètimu ctl. gris.

«« Torra a chircare