fríscu fríschiu

fríscu 1 , agt, nm: frissu 1 Definitzione chi no est caente, chi est bodhiu dae pagu, chi est birde, no est sicau, chi no est asciutu (nau de terra, fintzes úmidu, chi dhue sumit abba); temperadura unu pagu bàscia Sinònimos e contràrios briscu, fríghidu / friscore, friscura / mústiu 1 | ctr. budhidu, sicadu, sicu Maneras de nàrrere csn: avb. de f., a f. = dae pagu; a friscu = candho (sa cosa de manigare) no est ancora sica; ou f. = criadu, fatu de pagu; die frisca = dí (de istadi) chi no est fendi basca; f. che carapigna, che rosa = friscu meda; istare f. (nadu cun ironia de zente) = abetai po debbadas, isbagliai in prenu, abarrai mali Frases unu fiore friscu, unu allizadu si bident in su matessi naiscolu ◊ s'abba est frisca ca fit in frigoríferu ◊ sos ghirrisones de tiria ne sont iscinne friscos e mudados de grogu ◊ su logu in montes est totu friscu candho in campu est totu sicu ◊ sos culirzones si faghent cun casu friscu 2. at semenadu pagos ranos de fae tantu pro ndhe assazare a friscu ◊ una crapa est mellanne, dae s'astore de friscu orfanada (G.Delogu) 3. su sero sa zente in istiu si seit in fora a leare su friscu ◊ mighi ti faghet male su friscu: intradindhe! ◊ sa cosa de bufare in istiu piaghet si est posta in friscu 4. o padre frantziscanu, si aspetas a Ispanu chi ti fetat limúsina istas friscu!…◊ già isto friscu sentza meighinas!…◊ za fia istadu friscu si aia postu mente a isse!… Ètimu ltn. *friscus Tradutziones Frantzesu frais Ingresu cool, fresh Ispagnolu fresco Italianu frésco Tedescu frisch, Frische.

fríscu 2 , nm Definitzione ispétzia de colla fata cun corgiola de alàsiu (aràngiu burdu) po cassare pigiones Sinònimos e contràrios biscu Frases pilloni, in su friscu ti apodhas! ◊ at parau su friscu po is pillonis Ètimu ltn. visc(u)lum.

«« Torra a chircare