cròbba , nf: crobbe, crope, cruba, culba, curba, grobba Definitzione genia de pesada in poesia, chi no est sa matessi in totue Sinònimos e contràrios cantone, cóbbula, mutu, pesada 1 Maneras de nàrrere csn: pònnere una crobbe = pònnere cantone; cantzoni a curba = a pesadas de versos totu torrados, cun coberimentu (rima); isciri duas curbas de una cosa = ischírela longa, èssere chentupizas, malfusu Frases cantat sa crobbe sua anneosa pro no lu vínchere su sonnu ◊ istavat mazandhe su ferru e cantandhe sa crobbe ◊ sa curba est trabballosa meda, mescamente cantendhe in parcu 2. ndi scis duas curbas, tui!… Ètimu spn. copla Tradutziones Frantzesu strophe Ingresu strophe Ispagnolu copla Italianu stròfa Tedescu Strophe.

cròbba 1 , nf Definitzione su atuare o pentzare a ccn. cosa, sa capacidade de giare atentzione, fintzes in su sensu de contivigiare, atèndhere cun incuru Sinònimos e contràrios atenscione, contibizu, incuru Frases dèu non ti donamu crobba (perdonamí) po mòri de un'àturu amori ci mi trumentàt su coru ◊ a su tàgliu dhi donat crobba Antoni (P.Pillonca)◊ dona crobba a no ti preni de ispralàcius in cambas, acanta a su fogu!

«« Torra a chircare