illatzàre , vrb: islatzare Definition segare faendho a tiradura, istirandho, tirandho forte; fintzes fàere prus lasca sa cosa prantada po crèschere méngius; a logos fintzes tzucare, andharesiche, istesiare Synonyms e antonyms afrapare, iscorriai, iscrúfere, isfrapare, istratzare Sentences custu muncaloru s'illatzat apenas chi lu tocant ◊ nois semus che modhímine illatzadu cun sa tràmula noa ancora in sinu ◊ si ti aferras a débbile ratu, su ratu si ndhe illatzat dae sa nae! 2. abbratzo su logu assoladu de nida chijina pintada dae luna illatzendhe Etymon srd. Translations French déchirer English to rip Spanish desgarrar Italian lacerare, stracciare German zerfetzen, zerreißen.

ischirriolài, ischirriolàre , vrb: iscorriolare, schirriolai Definition bogare unu trastu a corriolos, a tiras Synonyms e antonyms imbroconare, irbinarjare, iscorriare, iscorriaxai, isteressare, istratziolare, minutzare, schirrionai, spetzimingiae Sentences su rú li at iscorrioladu sa bestimenta ◊ sos canes ti ant a ischirriolare sas carres! Etymon srd. Translations French réduire en lambeaux English to tear to shreds (in) Spanish despedazar, destrozar Italian sbrandellare, stracciare German zerfetzen, zerreißen.

iscorriadúra , nf: scorriadura Definition su iscorriare, su segare cosa a bisura de corrias, a tiras / fuedhai, fai is cosas a i. = itl. sgarbatamente Synonyms e antonyms iscorriolada, iscorrioladura, iscórriu / alvatadura Sentences possedit duas sulas ispuntadas, unu trinchitu curtzu, sentza tàgliu, su cales segat a iscorriadura! (C.Caddeo) Etymon srd. Translations French déchirure English tearing Spanish desgarrón Italian laceraménto German Zerreißen.

iscorriài , vrb: scorriai, iscorriare 1 Definition bogare o fàere unu trastu a corrias, fàere una segada a iscórriu, segare a orrugos faendho a tiradura Synonyms e antonyms ischirriolai, istratziolare Sentences at iscorriau is mantas 2. su fedighedhu furit giogandho a cofedhu in foras, a pantalones iscorriaos e a… macarrone in campu! Etymon srd. Translations French déchirer English to tear, to lacerate Spanish desgarrar, rasgar Italian squarciare, lacerare German zerreißen.

iscorriolàda , nf Definition su iscorriolare; segada in su trastu, in s'orrobba, in su bestimentu, fata prus che àteru de malesaura, coment'e dannu po pagu atentzione Synonyms e antonyms irbinarjada, iscorriadura, iscorrioladura, iscórriu Etymon srd. Translations French déchirement, fente, déchirure English laceration, split Spanish desgarradura, desgarramiento Italian laceraménto, squàrcio, spacco German Zerreißen, Spaltung.

lainài , vrb: laniai Definition fàere a orrugos, bogare a corriolos, segare Synonyms e antonyms ischirriolai, iscorriai, istratziolare Sentences cras puru su dolori mi at a lainai su petus ◊ si unu prantu intendeis, est su mundu lainau: sa paxi dh'ant morta Etymon itl. Translations French déchiqueter, déchirer English to rend Spanish destrozar, lacerar Italian dilaniare German zerreißen.

scorriadúra , nf: iscorriadura* Definition s'iscorriare, su segare o bogare coment'e a corrias, a orrugos Synonyms e antonyms iscorriolada, iscorrioladura, iscórriu, scorriamentu Translations French déchirement English laceration Spanish desgarro Italian lacerazióne German Zerreißen, Zerreißung.

solobràre , vrb: assolobriare, solovrare Definition fàere o torrare cosa tostada a brodu, a lícuida, a fortza de fogu o, segundhu, fintzes solu cun su caente (es. nie, butiru, chera); fàere a orrugos, guastare, pistare; fàere isperdítziu de sa cosa, ispaciare Synonyms e antonyms iscagiae, sciolli, sòlbere, solivrinare / arrogai, chimentare, fragassare, lainai / conciumire, distrúere, ispeldisciare, sparafiai Idioms csn: solobrau siat! = za zustíssia l'iscazet!; abbarra solobrau! = ista sériu! Sentences su sole solovret sa bidhia de custos ojos! ◊ sa cepa pigosa de s'ànima si tiat solovrare? ◊ sa manera de bívere chi s'aiat sestatu si li fit solovrata che nive acurtzu a su focu 2. in s'incúdine de su tempus, su martedhu ti cheret solovrare s'ammentu ◊ in s'idea de difèndhere sa criadura de un'abe, s'ingalenada chi apo fatu mi l'at solovradu! (M.Bua)◊ sos lampos lu diant solovrare a manera chi mancu a furchita ndhe lu diant acabidare! ◊ sos massajos solovraiant sas chérvias cun su frascarzu trazendhe 3. est solovrendhe sa pena a ticu ticu fin'a s'últimu butiu de sa vida Etymon srd. Translations French fondre, déchiqueter, dissoudre English to melt, to dissolve, to rend Spanish derretir, machacar, disolver Italian sciògliere, dilaniare, dissòlvere German schmelzen, zerreißen, auflösen.

«« Search again